హనీ రోజ్ ‘రాచెల్’ సినిమా నుంచి జూన్ 16న తన పాత్ర పోస్టర్‌ను విడుదల చేసి, సినిమా గురించి ఆసక్తికరమైన విషయాలను తెలిపారు. జూన్ 17న సాయంత్రం 5 గంటలకు సినిమా టీజర్‌ను విడుదల చేస్తామని ప్రకటించారు. ఈ టీజర్ మలయాళం, తమిళం, తెలుగు, కన్నడ, హిందీ భాషల్లో విడుదల అవుతుందని తెలిపారు. పోస్టర్‌లో హనీ రోజ్ రక్తంతో నిండిన ముఖంతో భయంకరంగా కనిపించారు. టీజర్‌లో హనీ రోజ్ తనను వెంటాడుతున్న రెండు ఎర్రటి కళ్ల గురించి చెబుతుంది. మరొక స్త్రీ ఆమె ఎవరో తెలుసా అని అడగ్గా, హనీ రోజ్ తనకు తెలియదని, కానీ వారిని కనుగొని చంపాలని అంటుంది. టీజర్‌లో హింసాత్మక దృశ్యాలు ఉన్నాయి. చివరగా, బాబురాజ్ చేతిలో ఆయుధంతో ఉన్న దృశ్యం చూపించారు. రక్తంతో నిండిన ముఖంతో హనీ రోజ్ షాక్‌తో కళ్ళు తెరుస్తుంది.
‘రేచెల్’ సినిమాను అబ్రిడ్ షైన్, బదుషా ఎన్.ఎం, షినాయ్ మాథ్యూ కలిసి ఈ సినిమాను నిర్మించారు. బదుషా ప్రొడక్షన్స్, పెన్ అండ్ పేపర్ క్రియేషన్స్ బ్యానర్‌లపై ఈ సినిమా తెరకెక్కింది. జూప్ ఫిలిప్ సినిమాటోగ్రాఫర్‌గా వ్యవహరించగా, మనోజ్ ఎడిటర్‌గా పనిచేశారు. ఇకపోతే రామ్ చరణ్ హీరోగా వస్తున్న "గేమ్ ఛేంజర్" 2025, జనవరి 10 థియేటర్లలో విడుదల కానుంది. నందమూరి బాలకృష్ణ చిత్రం "డాకు మహారాజ్" కూడా సంక్రాంతి కానుకగా ప్రేక్షకుల ముందుకు రానుంది. వెంకటేష్ సినిమా "సంక్రాంతికి వస్తున్నాం" జనవరి 14, 2025న థియేటర్లలో విడుదల కానుంది. టాలీవుడ్ బాక్సాఫీస్ వద్ద వీరందరితో కూడా ఈ ముద్దుగుమ్మ తన సినిమాతో పోటీ పడాల్సి ఉంటుంది. అది పెద్ద సాహసమే అని చెప్పుకోవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి