''మీరు అడిగిన ప్రశ్నలోనే ఒక గొడవ ఉంది. ఆ గొడవ గురించి చెప్పాల్సిన అవసరం, మాట్లాడుకోవాల్సిన అవసరం లేదు. 'పుష్ప 2' పెద్ద విజయం సాధించిన సినిమా. ఆ చిత్ర బృందానికి నా శుభాకాంక్షలు. వాళ్ళు ఫస్ట్ పార్ట్ తీసి పెద్ద హిట్ కొట్టారు. ఫస్ట్ పార్ట్ సక్సెస్ చేయడం వల్ల అంత మంది జనాలు వచ్చారు. అదొక పాజిటివ్ సైన్. మనం ఎంత మంది జనాలను తీసుకు వస్తే అంత మంది ప్రేక్షకులు థియేటర్లకు వస్తారని, తీసుకు రాగలమని మనం నమ్మాలి. సినిమా హెల్దీగా ఉండాలి. ఎవరి మీద ఎవరికీ కోపం లేదు. అందరం ఒకటే పడవలో ప్రయాణం చేస్తున్నాం. ఇవాళ ఒక సినిమా విడుదలై హిట్ అవ్వడం అనేది వందలో ఒక్కటిగా జరుగుతోంది. నిర్మాతలకు మంచి జరగాలి. రెండు మూడు సంవత్సరాలు కష్టపడి సినిమాలు చేసే ఆర్టిస్టుల కష్టానికి తగ్గ ఫలితం రావాలి. మా ముఖ్యమైన ఉద్దేశం ఏమిటంటే మంచి సినిమాలు చేయాలని'' అని చెప్పారు సిద్ధార్థ్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి