టాలీవుడ్ యువ నటుడు కిరణ్ అబ్బవరం గురించి ప్రత్యేక పరిచయం అవసరం లేదు. ఈయన రాజా వారు రాణి గారు అనే సినిమాతో హీరో గా వెండి తెరకు పరిచయం అయ్యాడు. ఈ మూవీ పర్వాలేదు అనే స్థాయి విజయాన్ని అందుకుంది. ఈ సినిమా తర్వాత ఈ నటుడు ఎస్ ఆర్ కళ్యాణమండపం అనే సినిమాలో హీరో గా నటించాడు. ఈ మూవీ మంచి విజయం సాధించడంతో ఈ నటుడికి టాలీవుడ్ ఇండస్ట్రీ లో హీరో గా మంచి గుర్తింపు లభించింది. ఆ తర్వాత ఈయన వరుస పెట్టి అనేక సినిమాలలో నటించాడు. అందులో కొన్ని సినిమాలు మాత్రమే మంచి విజయాలను అందుకున్నాయి.

ఇకపోతే తాజాగా ఈ నటుడు "క" అనే సినిమాలో హీరోగా నటించాడు. ఈ మూవీ మంచి అంచనాల నడుమ థియేటర్లలో విడుదల అయ్యి విడుదల అయిన మొదటి రోజు మొదటి షో కే బాక్సాఫీస్ దగ్గర సూపర్ సాలిడ్ పాజిటివ్ టాక్ ను తెచ్చుకుంది. దానితో ఈ మూవీ అద్భుతమైన కలెక్షన్లను వసూలు చేసి భారీ విజయాన్ని అందుకుంది. ఈ మూవీ ఏకంగా 50 కోట్లకు పైగా  కలెక్షన్లను కూడా వసూలు చేయడంతో ఈ హీరో స్థాయి కూడా భారీగా పెరిగింది. దానితో ఈ నటుడు తన తదుపరి మూవీలకు రెమ్యూనరేషన్ ను కూడా భారీగా పెంచినట్లు తెలుస్తోంది.

"క" సినిమా మంచి విజయం సాధించడంతో ఈ యువ నటుడు ఏకంగా తన పారితోషకాన్ని 2 కోట్ల వరకు పెంచినట్లు తెలుస్తోంది. ఇది వరకు ఈయన సినిమాకు 3 నుండి 4 కోట్ల వరకు పారితోషకాన్ని తీసుకోగా "క" సినిమా విజయం సాధించడంతో ఒక్కో సినిమాకు ఈయన 6 కోట్ల వరకు పారితోషకం తీసుకుంటున్నట్లు తెలుస్తోంది. ఇకపోతే ప్రస్తుతం ఈ నటుడు దిల్ రుబా అనే సినిమాలో హీరో గా నటిస్తున్నాడు. ఈ సినిమా మరి కొంత కాలం లోనే ప్రేక్షకుల ముందుకు వచ్చే అవకాశం ఉంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

15/12/2024 08:10 AM