ఇప్పుడు శ్రీ తేజ్ కు ICU లో వెంటిలేటర్ పై చికిత్స కొనసాగుతుందని అన్నారు. బాలుడి ఆరోగ్యం నిలకడగా ఉందని తెలిపారు. శ్రీ తేజ్ ఆరోగ్యం మెరుగుపడడానికి వైద్యులు అన్ని విధాలా ప్రయత్నాలు చేస్తున్నారు. ఇకపోతే ఆ బాలుడి తండ్రి భాస్కర్ కూడా కేసు ఉపసం‌హరించుకుంటానని తెలిపారు. తన భార్య మరణానికి అల్లు అర్జున్ కి ఎలాంటి సంబంధం లేదని స్పష్టం చేశారు.
వివరాల్లోకి వెళ్తే.. డిసెంబరు 4న ఘటనకు సంబంధించి ఐకన్ స్టార్ అల్లు అర్జున్‌పై బీఎన్‌ఎస్‌ 105, 118 సెక్షన్ల కింద పోలీసులు కేసు నమోదు చేశారు. అల్లు అర్జున్ థియేటర్‌కు వచ్చిన సమయంలో భద్రతాపరంగా జాగ్రత్తలు తీసుకోనందుకు థియేటర్ యాజమాన్యంపై కూడా కేసు నమోదైంది. ఈ క్రమంలో పోలీసులు అల్లు అర్జున్ ఇంటికి వెళ్లి.. ఆయనను అదుపులోకి తీసుకుని చిక్కడపల్లి పోలీస్‌స్టేషన్‌కు తరలించారు. తర్వాత ఆయనకు గాంధీ ఆస్పత్రిలో వైద్య పరీక్షలు చేయించారు. నాంపల్లి హైకోర్టులో వాదనలు, రిమాండ్‌ విధింపుల అనంతరం ఆయనను చంచల్‌గూడ జైలుకు తరలించారు. ఇటీవలే మద్యంతర బెయిల్ ద్వారా స్టార్ హీరో అల్లు అర్జున్ జైలు నుంచి ఇంటికి వచ్చారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి