అయితే ఇంత గొప్ప ఇమేజ్ క్రియేట్ చేసుకున్న షణ్ముఖ్ జశ్వంత్ లీల వినోదం ఓటీటీ సినిమాతో ప్రేక్షకుల ముందుకి రానున్నాడు. ఈ సినిమా లో షణ్ముఖ్ కి జోడీగా అనఘ హీరోయిన్ గా నటిస్తుంది. ఈ మూవీ ఈటీవీ విన్ ఓటీటీలో డిసెంబర్ 19 నుంచి స్ట్రీమింగ్ కానుంది. ఈ క్రమంలో తన జీవితంలో జరిగిన ఘటనలను గుర్తు చేసుకుని మీడియాతో పంచుకున్నాడు. స్టేజీపైనే షణ్ముఖ్ ఎమోషనల్ అయ్యాడు.
అనంతరం ఆయన మీడియాతో మాట్లాడుతూ.. 'నా జర్నీ అంతా మొదట వైజాగ్‌లోనే ప్రారంభమైంది. ఆ సమయంలో నా కెరీర్‌ ఎటు పోతుందో తెలియని అర్థం కాని పరిస్థితిలో నేను ఉన్నాను. అప్పుడు హైదరబాద్‌కు వచ్చి కొన్ని కవర్ సాంగ్స్, షార్ట్ ఫిలిమ్స్, వెబ్ సిరీస్‌లు చేసుకున్నాను. మంచిగానే సక్సెస్‌ అయ్యాను. కానీ, ఎవరో చేసిన తప్పుకు నన్ను బ్లేమ్‌ చేస్తూ అనేక ఆరోపణలు చేశారు. ఆ చెడ్డ పేరు నాకు మాత్రమే ఆపాదించకుండా.. ఇందులోకి నా కుటుంబాన్ని కూడా లాగారు. ఫ్యామిలీకి అండగా ఉండాలని ప్రతి కుమారుడు అనుకుంటాడు. అయితే, నా వల్లే కుటుంబానికి వారికి చెడ్డపేరు వచ్చింది. అమ్మా,నాన్నా నన్ను క్షమించండి. నా వల్లే మీరు చాలా ఇబ్బందులను ఎదుర్కొన్నారు. అమవాస్య చూసినోడు తప్పకుండా పౌర్ణమి చూస్తాడు. నా జీవితంలో ఇప్పుడు అదే జరుగుతుంది. చాలా ఇబ్బందుల్లో ఉన్నప్పుడు నా దగ్గరకు లీల వినోదం ప్రాజెక్ట్‌ వచ్చింది. మనం సక్సెస్‌లో ఉన్నప్పుడు చాలా మంది మన చుట్టూ ఉంటారు. కానీ, ఒక్కసారి కింద పడినప్పుడు మనతో ఎవరుంటారో వాళ్లే నిజమైన మిత్రులు. నా అనుభవంతో ఈ విషయాన్ని తెలుసుకున్నాను.' అని యూట్యూబ్ స్టార్ షణ్ముఖ్ జశ్వంత్ చెప్పుకొచ్చారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి