ఇక అమరన్ తర్వాత శివ కార్తికేయన్ సుధ కొంగర డైరెక్షన్ లో సినిమా చెస్తున్నాడు. ఈ సినిమాను చాలా ప్రత్యేకంగా ప్లాన్ చేస్తున్నట్టు తెలుస్తుంది. ఈ సినిమాకు పూరణ నూరు టైటిల్ ఫిక్స్ చేశారు. ఐతే ఈ సినిమా ముందు సూర్య తో చేయాలని సుధ కొంగర అనుకుంది. కానీ ఎందుకో వారి మధ్య చర్చలు సఫలం కాలేదు. సుధ కొంగరతో సూర్య సూరరై పొట్రు సినిమా తీసి హిట్ అందుకున్నాడు. ఆ సినిమాతో నేషనల్ అవార్డ్ సైతం అందుకున్నాడు సూర్య.
ఐతే ఆ సినిమానే హిందీలో రీమేక్ చేశాడు. హిందీలో తీసిన ఆ సినిమా డిజాస్టర్ అయ్యింది. ఆ సినిమా టైం లోనే సూర్యతో సుధ వ్యవహారం తేడా కొట్టిందని టాక్. అందుకే అసలైతే సూర్యతో చేయాలని అనుకున్నా ఈ సినిమాను శివ కార్తికేయన్ కి షిఫ్ట్ చేశారట. సూర్య చేయాలనుకున్న ఈ సినిమా లో దుల్కర్ సల్మాన్, నజ్రియా కూడా నటించాలని అనుకున్నారు. కానీ ఇప్పుడు వారు కూడా తప్పుకున్నారట. వారి ప్లేస్ లో జయం రవి, అధర్వ చేస్తున్నరు. ఈ సినిమాతోనే శ్రీలీల తమిళ పరిశ్రమకు పరిచయం అవుతుంది. శివ కార్తికేయన్ 25వ సినిమాగా వస్తున్న ఈ సినిమాను 150 కోట్ల భారీ బడ్జెట్ తో తెరకెక్కిస్తున్నట్టు తెలుస్తుంది. ఈ సినిమాను పాన్ ఇండియా లెవెల్ లో భారీ రిలీజ్ ప్లాన్ చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి