తెలుగు చిత్ర పరిశ్రమలో స్టార్ హీరోల సినిమాలకి సంగీతం అందించేది కొద్దిమందే. దేవిశ్రీ ప్రసాద్, తమన్ లాంటి వాళ్లే ఎక్కువగా వినిపిస్తుంటారు. నిజానికి అనిరుధ్ రవిచందర్ లాంటి టాలెంటెడ్ మ్యూజిక్ డైరెక్టర్లు ఉన్నా, వాళ్ళ స్టైల్ మాస్ ఆడియన్స్‌కి ఒక్కోసారి కనెక్ట్ అవ్వదు. ఇక జి.వి. ప్రకాష్ లాంటి వాళ్ళు బిగ్ బడ్జెట్ సినిమాలకి సెట్ అవ్వరు. దాంతో, మన దర్శక నిర్మాతలకి ఉన్న ఆప్షన్స్ చాలా లిమిటెడ్ అయిపోయాయి.

కానీ, ఇప్పుడు సీన్ మారుతోంది! భీమ్స్ సిసిరోలియో అనే కొత్త పేరు టాలీవుడ్‌లో ఊపందుకుంటోంది. 'ధమాకా' సినిమాతో ఒక్కసారిగా అందరి దృష్టిని ఆకర్షించాడు. ఆ సినిమా పాటలు యూత్‌ని ఓ ఊపు ఊపేశాయి. మాస్ పల్స్ ఏంటో భీమ్స్‌కి బాగా తెలుసని అందరూ అనుకున్నారు. ఆ తర్వాత 'MAD' సినిమాతో మరో హిట్ కొట్టాడు. 'MAD'లోని సాంగ్స్ అన్నీ సోషల్ మీడియాలో వైరల్ అయ్యాయి. ఇప్పుడు 'MAD 2' కూడా మ్యూజిక్ పరంగా మంచి రెస్పాన్స్ తెచ్చుకుంటోంది. "లడ్డు గాని పెళ్లి" సాంగ్ అయితే ఎక్కడ చూసినా అదే మోత! సో, టాలీవుడ్‌లో కొత్త మ్యూజిక్ సెన్సేషన్ వచ్చేస్తున్నాడన్నమాట!

భీమ్స్ సిసిరోలియో ఇప్పుడు ఫుల్ ఫామ్‌లో ఉన్నాడు! వెంకటేష్, అనిల్ రావిపూడి కాంబినేషన్‌లో వస్తున్న 'సంక్రాంతికి వస్తున్నాం' సినిమాకి మ్యూజిక్ డైరెక్టర్ అతనే. ఈ సినిమాలోని నాలుగు పాటల్లో ఇప్పటికే రెండు పాటలు రిలీజ్ అయ్యాయి, రెండూ సూపర్ డూపర్ హిట్! రమణ గోగుల గొంతులో వచ్చిన ఒక పాట అయితే చార్ట్‌లను షేక్ చేసేస్తోంది. ఈ సక్సెస్‌తో భీమ్స్ టాప్ మ్యూజిక్ డైరెక్టర్ల రేస్‌లో దూసుకుపోతున్నాడు.

'సంక్రాంతికి వస్తున్నాం' సినిమా కనుక బాక్సాఫీస్‌ను కూడా కొల్లగొడితే, ఇక భీమ్స్‌ని ఆపడం ఎవరి తరం కాదు. మాస్, కమర్షియల్ సినిమాలకి అతను ఫస్ట్ ఛాయిస్ అవుతాడు. ఆడియో కంపెనీలు కూడా అతని కోసం క్యూ కడుతున్నాయి. త్వరలోనే చిరు, బాలయ్య, నాగ్ మామ, మాస్ మహారాజా లాంటి స్టార్ హీరోల సినిమాలకు కూడా భీమ్స్ మ్యూజిక్ అందించొచ్చు. అంటే, దేవిశ్రీ ప్రసాద్, తమన్‌తో పాటు, మన డైరెక్టర్స్‌కి మరో పవర్ఫుల్ ఆప్షన్ దొరికినట్టే!
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

DIRETORS

praveen

22/12/2024 01:01 PM