తొలి సినిమాతోనే మంచి గుర్తింపు తెచ్చుకున్న ఎం.ఎస్. నారాయణ ఆ తర్వాత వెనుదిరిగి చూసుకోలేదు. 'పుణ్యభూమి నాదేశం', 'పెద్ద రాయుడు' లాంటి బ్లాక్బస్టర్ సినిమాల్లో ఆయన నటన అద్భుతం. ముఖ్యంగా 'పెద్ద రాయుడు' సినిమాలో ఆయన పోషించిన పాత్ర ప్రేక్షకులను కడుపుబ్బా నవ్వించింది. 1998 వచ్చేసరికి ఆయన ఏకంగా 13 సినిమాల్లో కమెడియన్‌గా నటించారంటే ఆయన ఎంత బిజీగా ఉండేవారో అర్థం చేసుకోవచ్చు. ఇక 1999లో అయితే ఆ సంఖ్య డబుల్ అయి ఏకంగా 23కి చేరిందంటే ఈ కమెడియన్ క్రేజ్ ఏ స్థాయిలో ఉండేదో ఊహించుకోవచ్చు. ఆ రోజుల్లో బ్రహ్మానందం కూడా ఇంత బిజీ షెడ్యూల్ ఉండేది కాదు. తాగుబోతు పాత్రల్లో ఎమ్మెస్ నారాయణ కామెడీ టైమింగ్, డైలాగ్ డెలివరీ నెక్స్ట్ లెవెల్ అనే చెప్పాలి. అందుకే ఆ పాత్రలతో ఆయనకు విపరీతమైన క్రేజ్ వచ్చింది. ఆ పాత్రలు అతనికి ఒక ట్రేడ్‌మార్క్‌గా నిలిచాయి.
ఎం.ఎస్. నారాయణ తన కామెడీ టైమింగ్‌తో ఎంతోమందిని నవ్వించారు. కానీ ఆయన జీవితంలో విషాదం కూడా ఉంది. కెరీర్ పీక్స్‌లో ఉన్నప్పుడే, 2015లో అనారోగ్యంతో ఆయన హఠాత్తుగా మరణించడం అందరినీ కలచివేసింది. చనిపోయిన తర్వాత కూడా ఆయన నటించిన దాదాపు 30 సినిమాలు విడుదల కావడం విశేషం. అయితే ఇక్కడే ఒక విషాదకరమైన విషయం దాగి ఉంది. ఎం.ఎస్. నారాయణ చనిపోయాక అతనికి రావాల్సిన డబ్బుల కోసం ఆయన కొడుకు విక్రమ్ నారాయణ తీవ్రంగా పోరాడాల్సి వచ్చింది. ఎట్టకేలకు ఆయన పడిన కష్టానికి ఫలితంగా రావాల్సిన దాంట్లో 60% డబ్బును తిరిగి పొందగలిగాడు.
'కొడుకు' సినిమాలో నటించి నటుడిగా కూడా తన అదృష్టాన్ని పరీక్షించుకున్న విక్రమ్ ప్రస్తుతం అవకాశాలు లేక చాలా ఇబ్బందులు పడుతున్నారు. న్యాయవాదిగా బతుకు ఈడ్చుకొస్తున్నారు. లెజెండరీ కమెడియన్ కొడుకు అయినప్పటికీ, విక్రమ్‌కు సినిమా అవకాశాలు అంత సులభంగా రావడం లేదు. తండ్రిలాగే నటుడిగా రాణించాలని ఉన్నా సరైన అవకాశాలు లేకపోవడంతో ఆయన చాలా ఇబ్బందులు పడుతున్నాడు. ఎం.ఎస్. నారాయణ అభిమానులు విక్రమ్ కష్టాలు చూసి చాలా బాధపడుతున్నారు. ఒక గొప్ప నటుడి కొడుకు ఇలా కష్టాలు పడటం నిజంగా బాధాకరమైన విషయం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి