బాలయ్య తన ఎనర్జీ, చిలిపి ప్రశ్నలతో షోను మరింత పాపులర్ చేశారు.డిసెంబర్ 22,2024న వెంకటేష్ పాల్గొనే ఎపిసోడ్‌ షూటింగ్ జరగనుంది. మామూలుగానే టాక్ షోలకు ఎక్కువగా హాజరుకాని వెంకటేష్, ఈసారి బాలయ్య షోలో కనిపించనుండటం విశేషం. ఇది టాలీవుడ్ అభిమానుల్లో పెరిగిన ఉత్సాహానికి కారణమైంది.ఈ ఎపిసోడ్‌లో ఇద్దరూ స్నేహపూర్వక సంభాషణతో షోను మరింత ఉత్సాహభరితంగా మార్చనున్నారని తెలుస్తోంది. వెంకటేష్ ప్రస్తుతం నటిస్తున్న సంక్రాంతికి వస్తున్నాం సినిమా షూటింగ్ చివరిదశలో ఉంది.ఈ సినిమాకు సంబంధించిన విశేషాలు కూడా షోలో చర్చకు వచ్చే అవకాశం ఉంది. బాలయ్య వేసే చిలిపి ప్రశ్నలకు వెంకటేష్ ఎలా స్పందిస్తారో చూడాలని అభిమానులు ఆతృతగా ఎదురుచూస్తున్నారు. బాలయ్య ప్రశ్నలతో పెరిగే సరదా, వెంకటేష్ సరదా జవాబులతో షో మరింత ఆకట్టుకునేలా ఉంటుంది. ఈ ఇద్దరి మధ్య ఉండే కెమిస్ట్రీ, మరుగున పడిన అనేక ఆసక్తికర విషయాలను వెలికితీసే అవకాశముంది.సరదాగా మాట్లాడే వెంకీమామ - బాలయ్య కలిసి ప్రేక్షకులకు ఎలాంటి ఎంటర్టైన్మెంట్ ఇస్తారో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి