అయితే, రేవంత్ రెడ్డి ఫైర్ అయింది అల్లు అర్జున్ పై అయితే మంటలు అంటుకుంది మాత్రం నిర్మాత దిల్ రాజుకని సినిమా విశ్లేషకులు అంటున్నారు. నిజమే అనిపిస్తోంది... ఎందుకంటే? దిల్ రాజు నుంచి త్వరలోనే 3 సినిమాలు థియేటర్స్ లో రిలీజ్ కాబోతున్నాయి. ఇలాంటి సమయంలో సీఎం రేవంత్ రెడ్డి ప్రకటన దిల్ రాజు సినిమాలకు ఊహించని ఎదురుదెబ్బగా మారింది. అన్నింటికి మించి దిల్ రాజు కెరీర్ లోనే అత్యంత భారీ బడ్జెట్ తో తెరకెక్కిన మూవీ 'గేమ్ ఛేంజర్' జనవరి 10 న రిలీజ్ కాబోతోంది. రామ్ చరణ్ - శంకర్ కాంబోలో తెరకెక్కిన ఈ సినిమా కోసం ఏకంగా రూ.250 కోట్లు పెట్టినట్లు విశ్వసనీయ వర్గాల సమాచారం.
థియేట్రికల్ గా అయితే 500 కోట్లకు పైగా బిజినెస్ చేయడం గ్యారెంటీ. కానీ అంత భారీ మొత్తంలో రాబట్టాలంటే ప్రస్తుతం ఉన్న పరిస్థితుల్లో కష్టమే అని విశ్లేషకులు అంటున్నారు. ఇక ఈ ఒక్క సినిమానే కాకుండా వెంకటేష్ 'సంక్రాంతికి వస్తున్నాం' సినిమా నిర్మాత కూడా దిల్ రోజునే. అదే విధంగా 'డాకు మహారాజ్' సినిమా విషయానికొస్తే... నైజాంలో దిల్ రాజే డిస్ట్రిబ్యూట్ చేస్తున్నారు. దాంతో ఈ 3 సినిమాలతో భారీ లాభాలు పొందాలనుకుంటున్న దిల్ రాజు ఆశలపై అల్లు అర్జున్ నీళ్లు చల్లినట్లయింది. ఇలాంటి పరిస్థితుల్లో రేవంత్ రెడ్డి తదుపరి కార్యాచరణ సినిమాల విషయంలో ఎలా ఉంటుందో అని అంతా ఆసక్తిగా ఎదురు చూస్తున్నారు. ఆయన మనసు మారితే ఒకేగానీ, సీఎం చెప్పినట్లు బెనిఫిట్ షోలు, టికెట్ రేట్లు పెంచుకునేందుకు పర్మిషన్ ఇవ్వకపోతే దిల్ రాజుకి భారీ నష్టాలు తప్పవని చాలా క్లియర్ కట్ గా అర్ధం అవుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి