కొన్ని సంవత్సరాల క్రితం నితిన్ హీరోగా జెనీలియా హీరోయిన్ గా ఎస్ ఎస్ రాజమౌళి దర్శకత్వంలో "సై" అనే సినిమా రూపొందిన విషయం మన అందరికీ తెలిసిందే. ఈ సినిమాకు ఎం ఎం కీరవాణి సంగీతం అందించాడు. ఈ మూవీ 2004 వ సంవత్సరం సెప్టెంబర్ 23 వ తేదీన భారీ అంచనాల నడుమ విడుదల అయ్యి బాక్స్ ఆఫీస్ దగ్గర అద్భుతమైన విజయాన్ని అందుకుంది. ఇకపోతే ఈ మధ్య కాలంలో తెలుగు సినీ పరిశ్రమలో రీ రిలీజ్ ల ట్రెండ్ జోరుగా కొనసాగుతున్న విషయం మన అందరికీ తెలిసిందే. ఇక నితిన్ హీరోగా రూపొందిన "సై" మూవీ ని కూడా మరికొన్ని రోజుల్లోనే రీ రిలీజ్ చేయబోతున్నారు.

తాజాగా అందుకు సంబంధించిన అధికారిక ప్రకటన కూడా విడుదల అయ్యింది. ఈ మూవీ ని వచ్చే సంవత్సరం జనవరి 1 వ తేదీన రీ రిలీజ్ చేయనున్నట్లు మేకర్స్ అధికారికంగా ప్రకటిస్తూ ఓ పోస్టర్ను కూడా విడుదల చేశారు. ప్రస్తుతం ఆ పోస్టర్ వైరల్ అవుతుంది. మరి రీ రిలీజ్ లో భాగంగా ఈ సినిమా ప్రేక్షకులను ఏ స్థాయిలో ఆకట్టుకుంటుందో ఏ రేంజ్ కలెక్షన్లను వసూలు చేస్తుందో తెలియాలి అంటే మరికొన్ని రోజులు వేచి చూడాల్సిందే. ఇకపోతే నితిన్ ప్రస్తుతం రాబిన్ హుడ్ , తమ్ముడు అనే రెండు సినిమాల్లో నటిస్తున్నాడు.

ఈ సినిమాలలో రాబిన్ హుడ్ మూవీ ని ఈ సంవత్సరం డిసెంబర్ 25 వ తేదీన విడుదల చేయనున్నట్లు మేకర్స్ మొదట ప్రకటించారు. కానీ ఆ తర్వాత ఈ సినిమాను డిసెంబర్ 25 వ తేదీన విడుదల చేయడం లేదు అని , కొత్త విడుదల తేదీని మరికొన్ని రోజుల్లోనే ప్రకటిస్తామని అధికారికంగా ప్రకటించారు. ఇలా తన కొత్త సినిమా అనౌన్స్ అయ్యి పోస్ట్ పోన్ అయినా కూడా తన పాత సినిమాతో ప్రేక్షకులను పలకరించడానికి నితిన్ రెడీ అవుతున్నట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Nithin

Pulgam Srinivas

24/12/2024 11:10 AM