అభిమానులకు కృతజ్ఞతలు తెలుపుతూ దేవుడు దయవల్ల మా నాన్నగారి సర్జరీ విజయవంతంగా అయ్యిందని ప్రస్తుతం ఆయన ఆరోగ్యం కూడా నిలకడగానే ఉన్నదని దీనికి ప్రధాన కారణం మియామీ హెల్త్ కేర్ వైద్య బృందం అంటూ తెలియజేసింది. ఈ సర్జరీలో తమ కుటుంబానికి అన్ని విధాల సహకరించిన మురుగేషన్ మనోహర్ గారికి సైతం హృదయపూర్వక ధన్యవాదాలు తెలుపుతున్నాను అంటూ తెలిపింది.. ఇక అభిమానులను ఉద్దేశిస్తూ మీ అందరి ప్రేమ ప్రార్థనలు ఆశీర్వాదాల వల్లె మాకు ఎంతో బలాన్ని ఇచ్చాయి మీరు చూపుతున్న ఈ ప్రేమాభిమానాలు ఇలాగే కొనసాగి తమకు శక్తినివ్వాలి అంటూ తెలియజేసింది. అందరికీ రుణపడి ఉంటామంటూ తెలిపింది.
శివరాజ్ కుమార్ గత కొన్ని నెలలుగా మూత్ర క్యాన్సర్ తో ఇబ్బంది పడుతున్నారని..అందుకు చికిత్స కోసం అమెరికాకు వెళ్లే సమయంలో చాలామంది సినీ పరిశ్రమకు చెందినవారు ఆయన అభిమానులు ఇంటికి చేరి వీడ్కోలు పలకడం జరిగింది. నిన్నటి రోజున శస్త్ర చికిత్స జరుగుతుందని తెలియడంతో చాలాచోట్ల ఈయన అభిమానులు ఆలయాలలో ప్రత్యేకమైన పూజలు కూడా చేయించడం జరిగింది. అయితే ఈ సర్జరీ తర్వాత శివన్న కొన్ని నెలలపాటు విశ్రాంతి తీసుకోవాలట. జనవరి 25న కర్ణాటకకు తిరిగి రాబోతున్నట్లు సమాచారం.అప్పటివరకు ఆయన అమెరికాలోనే ఉండబోతున్నట్లు వార్తలు వినిపిస్తున్నాయి. ప్రస్తుతం ఈ విషయం అభిమానులకు కాస్త ఆనందాన్ని కలిగిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి