టాలీవుడ్ ఇండస్ట్రీ లో మంచి గుర్తింపును సంపాదించుకున్న దర్శకులలో బాబి ఒకరు. ఈయన రవితేజ హీరోగా రూపొందిన పవర్ అనే సినిమాతో దర్శకుడిగా కెరియర్ను మొదలు పెట్టాడు. భారీ అంచనాల నడుమ విడుదల అయిన ఈ సినిమా మంచి విజయాన్ని అందుకుంది. ఈ సినిమాను రూపొందించిన విధానానికి గాను బాబీ కి మంచి ప్రశంసలు ప్రేక్షకుల నుండి , విమర్శకుల నుండి దక్కాయి. ఇకపోతే ఈయన పవర్ సినిమా తర్వాత పవన్ కళ్యాణ్ హీరోగా సర్దార్ గబ్బర్ సింగ్ , జూనియర్ ఎన్టీఆర్ హీరోగా జై లవకుశ , వెంకటేష్ , నాగ చైతన్య హీరోలుగా వెంకీ మామ , మెగాస్టార్ చిరంజీవి హీరోగా వాల్టేరు వీరయ్య సినిమాలను రూపొందించాడు.

ఇందులో జై లవకుశ , వాల్తేరు వీరయ్య సినిమాలు బ్లాక్ బాస్టర్ విజయాలను అందుకోగా , వెంకీ మామ సినిమా మంచి విజయాన్ని అందుకుంది. సర్దార్ గబ్బర్ సింగ్ సినిమా బాక్స్ ఆఫీస్ దగ్గర బోల్తా కొట్టింది. ప్రస్తుతం బాబి , బాలకృష్ణ హీరోగా డాకు మహారాజ్ సినిమాను రూపొందిస్తున్నాడు. ఈ సినిమాను వచ్చే సంవత్సరం జనవరి 12 వ తేదీన విడుదల చేయనున్నారు. ఈ మూవీ విడుదల దగ్గర పడిన సందర్భంగా బాబి ఓ ఇంటర్వ్యూ లో పాల్గొన్నాడు. అందులో భాగంగా ఈయన చేసిన కొన్ని వ్యాఖ్యలు ప్రస్తుతం వైరల్ అవుతున్నాయి.

తాజా ఇంటర్వ్యూలో భాగంగా బాబ్జీ మాట్లాడుతూ ... సినిమా పేరు చెప్పను కానీ ఓ సినిమా విషయంలో నిర్మాతలు నాకు అనుకున్న స్థాయి బడ్జెట్ ను కేటాయించలేదు. వారు కనుక నాకు అనుకున్న స్థాయి బడ్జెట్ ను కేటాయించి ఉండి ఉంటుంటే ఆ సినిమా అద్భుతమైన స్థాయికి చేరి ఉండేది అని బాబీ చెప్పుకొచ్చాడు. తాజాగా ఈయన చేసిన వ్యాఖ్యలు సోషల్ మీడియాలో వైరల్ అవుతున్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Babi

Pulgam Srinivas

26/12/2024 10:30 AM