8 ఏళ్లకు తెలుగులో రీ ఎంట్రీ ఇస్తోన్న అనిత, ఉదయ్ కిరణ్ తో రొమాంటిక్ డ్రామా లవ్ స్టోరీ నువ్వు నేను మూవీతో నటించింది. ఈ సినిమాతో ఈమె ఫుల్ క్రేజ్ ని సంపాదించుకుంది. అయితే డైరెక్టర్ తేజ దర్శకత్వం వహించిన ఈ సినిమా అనిత మంచి పేరు తీసుకొచ్చింది. అనిత నువ్వు నేను మూవీ తర్వాత 2008లో ఇది సంగతి, 2016లో మనలో ఒకడు అనే రెండు తెలుగు సినిమాలు మాత్రమే చేసింది. ఆ తర్వాత ఈ బ్యూటీ బాలీవుడ్‌లో మాత్రం యారన్ దా క్యాచప్, రాగిణి ఎమ్ఎమ్ఎస్ 2, యే దిల్‌తో పాటు కొన్ని ఓటీటీ వెబ్ సిరీస్‌ల్లో కూడా నటించింది.
అయితే ఈ గ్యాప్ లో అనిత పెళ్లి చేసుకుని కుమారుడు ఆరవ్‌కు జన్మనిచ్చింది. ఇప్పుడు మళ్లీ సినిమాల్లోకి ఎంట్రీ ఇవ్వబోతోంది. ఇక అనిత ఓ భామ అయ్యో రామ సినిమాతో తెలుగులో రీ ఎంట్రీ ఇవ్వనుంది. ఈ సినిమా ఒక్క మంచి లవ్ రొమాంటిక్ కామెడీ సినిమా అని చెప్పవచ్చు. ఈ సినిమాలో హీరోగా యంగ్ హీరో సుహాస్ నటించారు. అందరిని నవ్వించే వినోదమైన యువకుడి చుట్టూ తిరిగే ఓ కథగా ఈ చిత్రం ప్రేక్షకుల ముందుకు రానుంది. ఈ సినిమాలో హీరోయిన్ గా మాళవిక మనోజ్ నటిస్తుంది. అయితే ఓ భామ అయ్యో రామ సినిమాలో ముఖ్య పాత్రలో అనిత కనిపించనున్నారు. అయితే తాజాగా ఓ భామ అయ్యో రామ మూవీ గ్లింప్స్ వీడియోను రిలీజ్ చేశారు.
అలాగే ఈ సినిమాకు వీ ఆర్ట్స్ బ్యానర్‌పై హరీష్ నల్ల నిర్మాతగా వ్యవహరిస్తున్నారు. ఈ చిత్రంలో కామెడీ పండించడానికి ప్రభాస్ శ్రీను, ఆలీ నటిస్తుండగా ఇటీవల యానిమల్ సినిమాలో కనిపించిన నటుడు బబ్లు పృథ్వీరాజ్ ఈ మూవీలో మంచి పాత్ర పోషిస్తున్నారు. ఓ భామ అయ్యో రామ సినిమాకు రాదన్ సంగీతాన్ని అందిస్తుండగా.. మణికంఠం ఎస్ సినిమాటోగ్రఫీ చేస్తున్నారు. భవిన్ షా ఎడిటింగ్ చేయనున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి