ఇదిలా ఉండగా.. ఈ మీటింగ్ లో బెనిఫిట్ షోలు ఉండవని రేవంత్ రెడ్డి తెలిపినట్లు వస్తున్న వార్తల్లో ఎలాంటి నిజం లేదని దిల్ రాజు అన్నారు. సినీ పరిశ్రమపై సీఎం రేవంత్ రెడ్డి సానుకూలంగా ఉన్నారని తెలిపారు. అసలు ఆ సమావేశంలో బెనిఫిట్ షోలు, టికెట్‌ ధరల ప్రస్తావన కూడా రాలేదని చెప్పుకొచ్చారు. కొందరు అసత్యాలు ప్రచారం చేస్తున్నారని.. వాటిని నమ్మకండని అన్నారు. బౌన్సర్ల విషయాన్ని తమకు డీజీపీ చెప్పారని దిల్ రాజు తెలిపారు. హైదరాబాద్‌కు ఐటీ, ఫార్మా రంగాలతో పాటు సినీ పరిశ్రమ కూడా అంతే కీలకమని సీఎం చెప్పారని చెప్పారు. FDCతో అనుసంధానం చేసుకుని.. గద్దర్ అవార్డ్స్‌ ఇవ్వాలని అన్నారని దిల్ రాజు స్పష్టం చేశారు. సామాజిక సేవా కార్యక్రమాల్లో.. సెలబ్రిటీలు పాల్గొనాలని సీఎం తెలిపారని దిల్ రాజు వెల్లడించారు.
ఇకపోతే తెలంగాణ అభివృద్ధిలో సినీరంగం సామాజిక బాధ్యతతో వ్యవహరించాలని రేవంత్ రెడ్డి చెప్పారు. డ్రగ్స్‌ కట్టడి, మహిళా భద్రతపై ప్రచారంలో చొరవ చూపాలని స్పష్టం చేశారని అన్నారు. అలాగే ఆధ్యాత్మిక, ఎకో టూరిజంను ప్రమోట్ చేయాలని రేవంత్‌రెడ్డి తెలిపారు. అయితే అల్లు అర్జున్ పుష్ప 2 ప్రీమియర్స్ సందర్భంగా హైదరాబాద్ ఆర్టీసీ క్రాస్‌రోడ్స్‌లోని సంధ్య థియేటర్ లో జరిగిన తొక్కిసలాట లాంటి ఘటనలు మళ్లీ ఎప్పుడు జరగకూడదని ఇలాంటి కండిషన్స్ సర్కార్ పెడుతున్నట్లు రేవంత్ రెడ్డి తెలిపారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి