* ప్రేమ్ రక్షిత్ కొరియోగ్రఫీతో బన్నీలోని మాస్ యాంగిల్ బయటపడింది
* ఈ పాటతో ప్రేమ్ రక్షిత్‌కు, బన్నీకి ఇద్దరికీ మంచి పేరు తెచ్చిపెట్టింది.
(తెలంగాణ - ఇండియా హెరాల్డ్)
'పుష్ప 2: ది రూల్' సినిమా బాక్సాఫీస్ వద్ద దూసుకెళ్తోంది. ఈ సినిమాలోని 'గంగో రేణుక తల్లి' పాట మరింత వైరల్ అవుతుంది. బన్నీ ఫాన్స్ కి ఒక ట్రీట్‌లా మారింది అని చెప్పవచ్చు. ఈ పాట ఉంటుంటే ప్రేక్షకులకు పూనకాలు వచ్చాయంటే అది ఏ రేంజ్ లో ఉందో అర్థం చేసుకోవచ్చు. ఈ పాటలో అల్లు అర్జున్ చేసిన మాస్ డ్యాన్స్, ఆయన కెరీర్‌లోనే బెస్ట్ గా నిలిచిపోయింది అనడంలో సందేహం లేదు. దీనికి కారణం ప్రముఖ కొరియోగ్రాఫర్ ప్రేమ్ రక్షిత్. ప్రేమ్ రక్షిత్ కొరియోగ్రఫీతో బన్నీలోని మాస్ యాంగిల్ నెక్స్ట్ లెవెల్‌కి వెళ్లిపోయింది.
ప్రేమ్ రక్షిత్ గురించి ప్రత్యేకంగా చెప్పాల్సిన పనిలేదు. 'యమదొంగ'లోని "నాచోరే" నుంచి 'RRR'లోని "నాటు నాటు" వరకు ఎన్నో బ్లాక్‌బస్టర్ పాటలకు ఆయన కొరియోగ్రఫీ అందించారు. ఇప్పుడు 'పుష్ప 2'లో 'గంగో రేణుక తల్లి' పాటతో మరోసారి తన సత్తా చాటారు. ఈ పాటలో బన్నీ చీర కట్టుకుని చేసిన డ్యాన్స్ చూస్తే పూనకాలు రావడం ఖాయం. ఆడియన్స్‌కి గూస్‌బంప్స్ తెప్పించేలా ప్రేమ్ రక్షిత్ ఈ పాటను డిజైన్ చేశారు. దేవిశ్రీ ప్రసాద్ మ్యూజిక్, చంద్రబోస్ లిరిక్స్, మహాలింగం వాయిస్.. ఇవన్నీ కలిపి ఈ పాటను ఒక మాస్ ఎంటర్‌టైనర్‌గా మార్చేశాయి.
ముఖ్యంగా, ప్రేమ్ రక్షిత్ కంపోజ్ చేసిన స్టెప్స్ బన్నీలోని ఎనర్జీకి పర్ఫెక్ట్‌గా సూట్ అయ్యాయి. జాతర నేపథ్యంలో వచ్చే ఈ పాట విజువల్‌గా కూడా చాలా గ్రాండ్‌గా ఉంది. 'పుష్ప' సిరీస్‌లో బన్నీ పాత్ర ఒక ప్రత్యేకమైన మాస్ ఇమేజ్‌ను క్రియేట్ చేసింది. దానికి ప్రేమ్ రక్షిత్ కొరియోగ్రఫీ మరింత బూస్ట్ ఇచ్చిందని చెప్పుకోవచ్చు.
'గంగో రేణుక తల్లి' పాటతో ప్రేమ్ రక్షిత్ బన్నీలోని మాస్ అవతారాన్ని మరో కోణంలో ప్రజెంట్ చేశారు. ఈ పాట ఒక్కటి చాలు, ప్రేమ్ రక్షిత్ టాలెంట్ ఏమిటో చెప్పడానికి. ఈ పాటతో ఆయన పాపులారిటీ అమాంతం పెరిగిపోయింది. సోషల్ మీడియాలో ఎక్కడ చూసినా ఈ పాట గురించే చర్చ. నిజంగా, ప్రేమ్ రక్షిత్ ఈ పాటతో ఒక మ్యాజిక్ క్రియేట్ చేశారనే చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి