నందమూరి నట సింహం బాలకృష్ణ కొన్ని సంవత్సరాల క్రితం బోయపాటి శ్రీను దర్శకత్వంలో రూపొందిన సింహ అనే పవర్ఫుల్ మాస్ యాక్షన్ ఎంటర్టైనర్ మూవీ లో హీరో గా నటించిన విషయం మన అందరికీ తెలిసిందే. ఈ మూవీ లో నయనతార , స్నేహ ఉల్లాల్ , నమిత హీరోయిన్లుగా నటించారు. భారీ అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర మంచి విజయాన్ని అందుకుంది. ఈ సినిమాలో బాలకృష్ణ రెండు పాత్రలలో నటించారు. అందులో ఒక పాత్రలో తండ్రిగా , మరొక పాత్రలో కొడుకుగా కనిపించాడు.

తండ్రి పాత్రలో కనిపించిన బాలయ్యకు జోడిగా నయనతార కనిపించగా , కొడుకు పాత్రలో నటించిన బాలయ్య కు జోడిగా స్నేహ ఉల్లాల్ నటించింది. ఇక కొడుకు పాత్రలో నటించిన బాలయ్య ఈ సినిమాలో కాలేజీలో లెక్చరర్ పాత్రలో కనిపించాడు. ఆయనకు సైట్ వేస్తూ తన ప్రేమలో దించుకోవాలి అని ప్రయత్నాలు చేసే ముద్దుగుమ్మ పాత్రలో నమిత నటించగా వీరిద్దరి మధ్య ఓ సాంగ్ కూడా ఉంటుంది. దాదాపు ఇదే సినిమా ఫార్ములాను ప్రస్తుతం బాలయ్య హీరోగా నటించిన డాకు మహారాజ్ సినిమా విషయంలో ఈ మూవీ దర్శకుడు అయినటువంటి బాబి ఫాలో అవుతున్నట్టు తెలుస్తోంది. ఈ మూవీ లో కూడా బాలయ్య రెండు పాత్రలలో కనిపించబోతున్నట్లు తెలుస్తోంది.

ఈ సినిమాలో ఊర్వశి రౌటేలా , ప్రగ్యా జైస్వాల్ , శ్రద్ధ శ్రీనాథ్ హీరోయిన్ లుగా కనిపించనున్నారు. ఇక ఈ మూవీ లో ఊర్వశి ఓ పోలీస్ ఆఫీసర్ పాత్రలో కనిపించబోతున్నట్లు తెలుస్తోంది. ఈ ముద్దుగుమ్మ ఈ సినిమాలో మెయిన్ హీరోయిన్ కానప్పటికీ ఈమెపై ఒక సాంగ్ కూడా ఉన్నట్లు తెలుస్తోంది. మరి సింహ ఫార్ములాతో బాబి ఈ సినిమాను తెరకెక్కిస్తున్నాడు అని కొంత మంది భావిస్తున్నారు. మరి ఈ మూవీ ఏ స్థాయి విజయాన్ని అందుకుంటుందో తెలియాలి అంటే మరికొన్ని రోజులు వేచి చూడాల్సిందే.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Balayya

Pulgam Srinivas

30/12/2024 02:11 PM