మెగా పవర్ స్టార్ హీరోగా రూపొందిన గేమ్ చేంజర్ సినిమాను వచ్చే సంవత్సరం జనవరి 10 వ తేదీన విడుదల చేయనున్నారు. ఈ సినిమా విడుదల తేదీ దగ్గర పడడంతో ఇప్పటికే ఈ సినిమా నుండి మేకర్స్ నాలుగు పాటలను , టీజర్ ను , కొన్ని పోస్టర్లను విడుదల చేశారు. వీటికి ప్రేక్షకుల నుండి మంచి రెస్పాన్స్ లభించింది. ఇకపోతే చరణ్ అభిమానులు ఆయనకు ఓ భారీ కట్ అవుట్ ను తాజాగా నిర్మించారు.

ఇక ఈ కటౌట్ ఓపెనింగ్ కు గేమ్ చేంజర్ మూవీ నిర్మాత అయినటువంటి దిల్ రాజు విచ్చేశాడు. ఇక కటౌట్ విడుదలలో భాగంగా ఓ ఈవెంట్ ఏర్పాటు చేయగా అందులో దిల్ రాజు మాట్లాడుతూ ... ఈ సినిమాకు సంబంధించిన చాలా విషయాలను తెలియజేశాడు. తాజా ఈవెంట్లో భాగంగా దిల్ రాజు మాట్లాడుతూ ... ఈ సినిమాలో రామ్ చరణ్ పొలిటికల్ లీడర్ గా , ఐఏఎస్ ఆఫీసర్ గా మాత్రమే కాకుండా పోలీస్ ఆఫీసర్ గా కూడా కనిపించబోతున్నట్లు చెప్పాడు. ఈ మూవీ బృందం వారు విడుదల చేసిన టీజర్ లో చరణ్ కేవలం పొలిటికల్ లీడర్ , ఐఏఎస్ ఆఫీసర్ పాత్రలో మాత్రమే కనిపించాడు. ఇక పోలీస్ ఆఫీసర్ పాత్రలో కూడా కనిపించబోతున్నట్లు దిల్ రాజు చెప్పడంతో ఈ మూవీ పై ప్రేక్షకుల్లో అంచనాలు పెరిగాయి.

ఇక ఈ సినిమా ట్రైలర్ను వచ్చే సంవత్సరం జనవరి 4 వ తేదీన విడుదల చేసే అవకాశాలు ఉన్నట్లు వార్తలు వచ్చాయి. కానీ దిల్ రాజు తాజా ఈవెంట్లో భాగంగా ఈ సినిమా ట్రైలర్ను వచ్చే సంవత్సరం జనవరి 1 వ తేదీన విడుదల చేయనున్నట్లు ప్రకటించారు. అలాగే ఈ సినిమా ఫ్రీ రిలీజ్ ఈవెంట్ కు పవన్ కళ్యాణ్ గారు ముఖ్య అతిథిగా రానున్నట్లు ఆయనకి ఎప్పుడు వీలైతే అప్పుడు ఈ సినిమా ప్రీ రిలీజ్ ఉండనున్నట్లు దిల్ రాజు చెప్పాడు. ఇలా నిన్న జరిగిన ఈవెంట్లో భాగంగా దిల్ రాజు గేమ్ చేంజర్ సినిమాకు సంబంధించిన అనేక అప్డేట్లను తెలియజేశాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

30/12/2024 02:24 PM