అక్కినేని వారసుడు, నటుడు నాగ చైతన్య గురించి జనాలకి ప్రత్యేకంగా చెప్పాల్సిన పనిలేదు. తండ్రి నాగార్జున వారసుడిగా చిత్ర పరిశ్రమలోకి అడుగుపెట్టిన నాగ చైతన్య తండ్రి నీడలో కాకుండా దానినుండి బయటకి వచ్చి తనకంటూ ఓ ప్రత్యేకమైన మార్కెట్ క్రియేట్ చేసుకున్నాడు. ముఖ్యంగా ప్రేమ కధా చిత్రాలను చేయడంతో యూత్ లో నాగ చైతన్యకి మంచి ఫాలోయింగ్ ఉంది. ఇక చైతన్య - సాయి పల్లవి జంటగా నటిస్తున్న తాజా చిత్రం తండేల్. చందు మొండేటి దర్శకత్వంలో మత్స్యకారుల బ్యాక్ గ్రౌండ్ లో ఈ సినిమా తెరకెక్కుతోంది. కార్తికేయ 2 సినిమా తర్వాత చందు మొండేటి దర్శకత్వం వహిస్తున్న సినిమా ఇదే కావడం వలన ఈ సినిమాపై అభిమానులు భారీగా అంచనాలు పెట్టుకున్నారు. అల్లు అరవింద్ సమర్పణలో గీతా ఆర్ట్స్ పతాకం పై బన్నీ వాసు నిర్మిస్తున్న ఈ చిత్రం వచ్చే ఏడాది మొదటి రెండు మూడు నెలలలో విడుదలకు సిద్ధంగా ఉంది.

ఇక ఈ సినిమా తరువాత చే వరుసగా బడా సినిమాలను క్యూలో పెట్టినట్టు తెలుస్తోంది. అవును, నాగ చైతన్యతో లవ్ స్టోరీ అనే సూపర్ హిట్ తీసిన దర్శకుడు శేఖర్ కమ్ములతో మరోమారు ఈ కాంబో సెట్ కానుంది. ఈ సినిమా పాన్ ఇండియా స్థాయిలో తెరకెక్కిస్తారని టాక్ నడుస్తోంది. అదే విధంగా ప్రస్థానం వంటి సూపర్ హిట్ పొలిటికల్ సినిమాని తెరకెక్కించిన దర్శకుడు దేవా కట్టా ఓ కథని చేకి వినిపించగా ఆల్మోస్ట్ గ్రీన్ సిగ్నల్ ఇచ్చేసాడని టాక్. కాగా ఈ సినిమా కూడా పాన్ ఇండియా స్థాయిలో రాబోతుంది. అదేవిధంగా తమిళ దర్శకుడు, పవర్ స్టార్ పవన్ కళ్యాణ్ తో సూపర్ హిట్ సినిమా ఖుషి సినిమాని తెరకెక్కించిన దర్శకుడు కరుణాకరన్ కంబోకూడా సెట్ అయినట్టు విశ్వసనీయ వర్గాల సమాచారం.  

ఇకపోతే చే తాజా సినిమా టాండేల్ కూడా పాన్ ఇండియా లెవెల్లో నిర్మిస్తున్న సంగతి విదితమే. కాగా ఈ సినిమా షూటింగ్ చివరి దశకు చేరుకుంది. ఇప్పటికే ఈ సినిమా నుంచి బుజ్జి తల్లి అనే లిరికల్ సాంగ్ రికార్డుల మీద రికార్డులు సృష్టిస్తూ దూసుకుపోతోంది. తాజాగా ఈ పాట మరో అరుదైన ఘనతను సొంతం చేసుకున్నట్టు తెలుస్తోంది. విషయం ఏమిటంటే... ఈ సాంగ్ యూట్యూబ్లో ఏకంగా 40 మిలియన్ల వ్యూస్ ని సాధించింది. ఈ విషయాన్ని స్వయంగా చిత్ర బృందం సోషల్ మీడియా వేదికగా పంచుకోవడం విశేషం.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

praveen

31/12/2024 10:03 AM