ఈ స్టేజ్ పై ఇప్పటికే తెలుగు, తమిళ్, మలయాళ భాషలతో పాటుగా బాలీవుడ్ నటులు, నటీమణులు కూడా సందడి చేసిన సంగతి విదితమే. ఇక తాజాగా టాలీవుడ్ సీనియర్ హీరో విక్టరీ వెంకటేష్ తో అన్నసురేష్ బాబు, డైరెక్టర్ అనిల్ రావిపూడి ఈ వేదికపై సందడి చేయగా ఈ ఎపిసోడ్ రికార్డు స్థాయి వ్యూస్ తో దూసుకెళుతోందని వినికిడి. అయితే రాబోయే ఎపిసోడ్ షూట్ ను ఈ రోజు స్టార్ట్ చేసిన ఆహా యూనిట్ ఓ సర్ప్రైజ్ చేసింది. అవును, మీరు విన్నది నిజమే. ఈ ఎపిసోడ్ కు మెగా పవర్ స్టార్ రామ్ చరణ్ రావడంతో అక్కడ పండగ వాతావరణం నెలకొంది. ఈ నేపథ్యంలోనే ఈ ఉదయం రామ్ చరణ్ అన్ స్టాపబుల్ షూట్ లో పాల్గున్నట్టు తెలుస్తోంది.
కాగా ప్రస్తుతం దానికి సంబంధించి ఫోటోలు సోషల్ మీడియాలో వైరల్ కావడంతో ఒకవైపు మెగాభిమానులు, మరోవైపు నందమూరి అభిమానులు పండగ చేసుకుంటున్నారు. కాగా మెగా పవర్ స్టార్ రామ్ చరణ్ - శంకర్ కాంబోలో తెరకెక్కిన భారీ బడ్జెట్ చిత్రం గేమ్ ఛేంజర్ జనవరి 10న విడుదల కాబోతున్న సంగతి విదితమే. ఈ క్రమంలోనే చిత్ర ప్రమోషన్స్ లో భాగంగా ఈ టాక్ షో కు రామ్ చరణ్ హాజరైనట్టు వినికిడి. ప్రస్తుతం సోషల్ మీడియాలో లీకైన వీడియోని గమనిస్తే... "చరణ్ కు వెల్కమ్ చెబుతూ... 'సంక్రాంతికి వస్తున్నాం, డాకు మహారాజ్ అలాగే గేమ్ ఛేంజర్' మూడూ సినిమాలు సూపర్ హిట్ కావాలని మనస్ఫూర్తిగా కోరుకుంటున్నాను. ఇండస్ట్రీ 3 పూవులు 6 కాయలుగా వర్ధిల్లాలి. అదే మా ఆశయం!" అని బాలయ్య మాట్లాడుతూ స్వాగతం పలికారు. ఇక దీనికి సంబందించిన వీడియో ప్రస్తుతం సోషల్ మీడియాలో లీకయ్యింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి