న్యూ ఇయర్ ట్రీట్‌గా, మూవీ టీమ్ ఫస్ట్ సింగిల్ రిలీజ్ అనౌన్స్ చేసింది. 'మాట వినాలి' అంటూ సాగే ఈ పాటను స్వయంగా పవన్ కళ్యాణే పాడటం హైలైట్. ఈ సాంగ్ తెలుగుతో పాటు, తమిళంలో 'కెక్కనుమ్ గురువే', మలయాళంలో 'కెల్క్కనం గురువే', కన్నడలో 'మాతు కెళయ్య', హిందీలో 'బాత్ నిరాలి' టైటిల్స్‌తో రిలీజ్ కానుంది. సాంగ్ ప్రోమోతో పాటు, స్టైలిష్ పవన్ కళ్యాణ్ పోస్టర్‌ను కూడా రిలీజ్ చేశారు. 2025, జనవరి 6 ఉదయం 9:06 గంటలకు సాంగ్ రిలీజ్ అవుతుంది.
ఈ పాటకు తన వాయిస్ ఇవ్వాలనేది పవన్ కళ్యాణ్ ఐడియా. సాంగ్ లిరిక్స్ యూత్‌కి కనెక్ట్ అయ్యేలా, ఇన్స్‌పైరింగ్‌గా ఉండాలని ఆయన భావించారు. పవన్ కళ్యాణ్ ఎనర్జిటిక్ వోకల్స్, సోల్ఫుల్ లిరిక్స్‌తో ఈ సాంగ్ చార్ట్‌బస్టర్ అవ్వడం ఖాయం. సినిమాపై అంచనాలు నెక్స్ట్ లెవెల్‌కి చేరాయి.
పవన్ కళ్యాణ్ వాయిస్‌కి ఉన్న క్రేజ్ గురించి ప్రత్యేకంగా చెప్పక్కర్లేదు. ఇంతకుముందు 'తమ్ముడు', 'జానీ', 'అత్తారింటికి దారేది', 'అజ్ఞాతవాసి' సినిమాల్లో ఆయన పాడిన పాటలు ఎంత పెద్ద హిట్ అయ్యాయో మనందరికీ తెలుసు. మళ్లీ ఇన్నాళ్ళకి 'మాట వినాలి' అంటూ తన మ్యాజికల్ వాయిస్‌తో ఫ్యాన్స్‌ని ఫిదా చేయడానికి రెడీ అవుతున్నారు పవర్ స్టార్. ఈ సాంగ్ కోసం ఫ్యాన్స్ ఈగర్‌గా వెయిట్ చేస్తున్నారు.
ఈ సినిమాలో స్టార్ కాస్ట్‌తో పాటు టాప్ టెక్నీషియన్స్ కూడా వర్క్ చేస్తున్నారు. బాలీవుడ్ స్టార్ బాబీ డియోల్, డాన్సింగ్ క్వీన్ నోరా ఫతేహి, వెటరన్ యాక్టర్స్ నాజర్, సునీల్, రఘుబాబు, సుబ్బరాజు వంటి బిగ్ నేమ్స్ ఈ సినిమాలో ఉండటంతో సినిమాపై హైప్ ఓ రేంజ్‌లో ఉంది. మెగా సూర్య ప్రొడక్షన్ బ్యానర్‌పై ఎ. దయాకర్ రావు ఈ చిత్రాన్ని ప్రొడ్యూస్ చేస్తున్నారు. మ్యూజిక్ సెన్సేషన్ ఎం.ఎం. కీరవాణి మ్యూజిక్ అందిస్తుండటంతో సాంగ్స్ బ్లాక్ బస్టర్ అవ్వడం పక్కా. ప్రస్తుతం షూటింగ్ పార్ట్ కంప్లీట్ కావొస్తుండగా, పోస్ట్ ప్రొడక్షన్ వర్క్స్ కూడా ఫుల్ స్వింగ్‌లో జరుగుతున్నాయి. త్వరలోనే ఈ మూవీ థియేటర్లలో సందడి చేయనుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి