మహేష్ అభిమానులు ఎప్పుడెప్పుడా అని ఎదురు చూస్తున్న రాజమౌళి మహేష్ ల మూవీ ప్రారంభోత్సవం పూజా కార్యక్రమాలతో మొదలైంది. వాస్తవానికి తెలంగాణ ప్రాంతంలో సంక్రాంతి వరకు ఉండే రోజులను శూన్యమాసంగా పరిగణిస్తారు. అయితే దీనికి భిన్నంగా జక్కన్న నిన్నటిరోజున పూజా కార్యక్రమాలు చేసి ఈ మూవీని అధికారికంగా ప్రారంభించారు.



మహేష్ తన సినిమాల ప్రారంభోత్సవానికి ఎప్పుడు రాడు. కేవలం తన భార్య నమ్రతను మాత్రం తన సినిమాల ప్రారంభోత్సవానికి పంపడం కొన్ని సంవత్సరాలుగా అతడికి సెంటిమెంట్ గా మారింది. అయితే దీనికి భిన్నంగా ఈ మూవీ పరంభోత్సవ కార్యక్రమానికి మహేష్ రావడంతో రాజమౌళి కోసం తన సెంటిమెంట్ ను పక్కకకు పెట్టాడు అన్న మాటలు వినిపించాయి.



ఈసినిమాను 1000 కోట్ల భారీ బడ్జెట్ తో రెండు భాగాలుగా తీస్తారని తెలుస్తోంది. ఈ మూవీ మొదటి భాగం 2027 లో విడుదల అయితే రెండవ భాగం 2029 లో విడుదల అవుతుంది అన్న లీకులు వస్తున్నాయి. ఈ వార్తలే నిజం అయితే మరో రెండు సంవత్సరాల వరకు మహేష్ వైపు నుంచి సినిమా వచ్చే ఆస్కారంలేదు.



ఒక ప్రముఖ హాలీవుడ్ హీరోయిన్ తో పాటు మరో క్రేజీ బాలీవుడ్ హీరోయిన్ ఈ మూవీలో మహేష్ పక్కన నటిస్తారు అని అంటున్నారు. ఈ మూవీలో నటించినందుకు అదేవిధంగా దర్శకత్వం వహించినందుకు మహేష్ తో పాటు జక్కన్న కూడ పారితోషికం తీసుకోకుండా ఈమూవీకి వచ్చే లాభంలో 40 శాతం షేర్ తీసుకుంటారని లీకులు వస్తున్నాయి. ఈమూవీ బడ్జెట్ భారీ స్థాయిలో ఉండటంతో ప్రముఖ హాలీవుడ్ నిర్మాణ సంస్థలు అయిన సోనీ డిస్నీ సంస్థలలో ఏదో ఒక సంస్థ ఈ మూవీలో నిర్మాణ భాగస్వామిగా ఉంటుందని అంటున్నారు. ఇప్పటికే ఈ సినిమా కోసం తన హెయిర్ ను పూర్తిగా మార్చుకున్న మహేష్ జక్కన్న సలహాతో తన ఫిజిక్ విషయంలోను అదేవిధంగా తన డైట్ విషయంలో చాల మార్పులు చేర్పులు చేసుకుంటున్నట్లు తెలుస్తోంది..



మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

MAHESH

Seetha Sailaja

03/01/2025 09:44 AM