బాలయ్య బాబు సరికొత్త మాస్ అవతారంలో అదరగొట్టాడు. ఈ సంక్రాంతికి బాక్సాఫీస్ రికార్డులు బద్దలు కావడం ఖాయమనిపిస్తోంది. దర్శకుడు బాబీ ఈ చిత్రాన్ని అద్భుతంగా తెరకెక్కించినట్లు ట్రైలర్ చూస్తే అర్థమవుతోంది. బాలయ్య యాక్షన్ సీక్వెన్స్‌లలో జీవించేశాడు. తమన్ అందించిన సంగీతం ట్రైలర్‌కు మరింత ఊపునిచ్చింది. యాక్షన్, ఎమోషన్ కలగలిపిన కమర్షియల్ ఎలిమెంట్స్‌తో ట్రైలర్ నిండి ఉంది. "కింగ్ ఆఫ్ జంగిల్" అంటూ బాలయ్యను చూపించిన సన్నివేశాలు ప్రేక్షకులను విశేషంగా ఆకట్టుకుంటున్నాయి.
ట్రైలర్‌లో బాలయ్య చెప్పే డైలాగులు పవర్‌ఫుల్‌గా ఉన్నాయి. ప్రతినాయకుడిగా బాబీ డియోల్ తనదైన శైలిలో అదరగొట్టాడు. వీరిద్దరి మధ్య వచ్చే సన్నివేశాలు సినిమాకు హైలైట్‌గా నిలుస్తాయనిపిస్తోంది. ప్రగ్యా జైస్వాల్ గ్లామర్‌తో పాటు యాక్షన్ సీక్వెన్స్‌లలోనూ మెరిసింది. శ్రద్ధా శ్రీనాథ్‌కు కూడా సినిమాలో ముఖ్యమైన పాత్ర ఉన్నట్లు తెలుస్తోంది. ఈ సినిమా సూపర్ హిట్ అయితే వీరి ఫేట్ మారిపోతుందని చెప్పుకోవచ్చు.
మొత్తానికి, 'డాకు మహారాజ్' ట్రైలర్ సినిమాపై భారీ అంచనాలను క్రియేట్ చేసింది. సంక్రాంతికి విడుదల కానున్న ఈ చిత్రం బాక్సాఫీస్ వద్ద ఎలాంటి సంచలనాలు సృష్టిస్తుందో చూడాలి. అభిమానులకు ఫుల్ మీల్స్ లా కనిపిస్తున్న ఈ ట్రైలర్ ను మీరు కూడా త్వరగా చూసేయండి. ఈ సినిమా హిట్ అయితే బాలకృష్ణ బ్యాక్ టు బ్యాక్ నాలుగు హిట్స్ అందుకున్నట్లు అవుతుంది అది భారతీయ సినిమాలో అతి పెద్ద రికార్డు అని చెప్పుకోవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి