టాలీవుడ్ ఇండస్ట్రీ లో అద్భుతమైన క్రేజ్ కలిగిన హీరోలలో మెగా పవర్ స్టార్ రామ్ చరణ్ ఒకరు. చరణ్ తాజాగా గేమ్ చేంజర్ అనే భారీ బడ్జెట్ పాన్ ఇండియా మూవీ లో హీరో గా నటించాడు. ఈ మూవీ కి గ్రేట్ డైరెక్టర్ శంకర్ దర్శకత్వం వహించగా ... మోస్ట్ బ్యూటిఫుల్ అండ్ వెరీ టాలెంటెడ్ నటీమణి కియార అద్వానీ ఈ సినిమాలో చరణ్ కి జోడిగా నటించింది. అంజలి ఈ మూవీ లో ఓ కీలకమైన పాత్రలో కనిపించనుండగా ... ఈ మూవీ లో ఎస్ జె సూర్య విలన్ పాత్రలో నటించాడు. ఇక ఈ సినిమాలో శ్రీకాంత్ , సునీల్ , వెన్నెల కిషోర్ , నవీన్ చంద్ర , జయరాం ముఖ్య పాత్రలలో నటించారు.

ఈ మూవీ ని ఈ సంవత్సరం జనవరి 10 వ తేదీన ప్రపంచ వ్యాప్తంగా విడుదల చేయనున్నారు. ఈ సినిమా విడుదల తేదీ దగ్గర పడడంతో ఈ మూవీ బృందం వారు పెద్ద ఎత్తున ఈ సినిమాకు సంబంధించిన ప్రచారాలను నిర్వహిస్తూ వస్తున్నారు. అందులో భాగంగా నిన్న రాత్రి ఈ మూవీ బృందం వారు రాజమండ్రి లో ఫ్రీ రిలీజ్ ఈవెంట్ ను ఏర్పాటు చేశారు. దానికి పవన్ కళ్యాణ్ ముఖ్య అతిథిగా విచ్చేశాడు. ఇక చాలా రోజుల క్రితమే ఈ మూవీ బృందం వారు ఈ సినిమాకి ఆనందించిన నాలుగు లిరికల్ వీడియో సాంగ్స్ ను విడుదల చేశారు.

ఇక నిన్న జరిగిన ఈ సినిమా ఫ్రీ రిలీజ్ ఈవెంట్ లో మరో రెండు పాటలను విడుదల చేశారు. ఈ రెండు పాటలతో కలిపి మొత్తం ఆరు పాటలను కలిగిన జూక్ బాక్స్ ను ఈ రోజు మేకర్స్ విడుదల చేశారు. అలాగే ఈ సినిమాకు సంబంధించిన సెన్సార్ కార్యక్రమాలను మూవీ బృందం వారు తాజాగా పూర్తి చేశారు. ఈ మూవీ కి సెన్సార్ బోర్డు నుండి యు / ఏ సర్టిఫికెట్ వచ్చింది. ఆ విషయాన్ని కూడా మేకర్స్ తాజాగా అధికారికంగా ప్రకటించారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Charan

Pulgam Srinivas

05/01/2025 08:09 PM