సంక్రాంతి సినిమాల సందడికి రంగం సిద్ధం అయింది . వరుస పెట్టి రెండు రోజుల తేడా లో సినిమాలు థియేట‌ర్ల‌లోకి వ‌చ్చేస్తున్నాయి. ముందుగా ఈ నెల 10న రామ్ చరణ్ గేమ్ ఛేంజర్ - ఆ త‌ర్వాత 12న బాలయ్య డాకూ మహారాజ్ - 14న సంక్రాంతికి వస్తున్నాం సినిమాలు రిలీజ్ అవుతున్నాయి. ఇదిలా ఉంటే ఇప్పుడు ఈ సినిమా ల ప్రమోషన్ల లో ఏపీ మంత్రులు బిజీ గా ఉన్నారు. ఆ మాట‌కు వ‌స్తే కీలక మంత్రులు ఈ సినిమా ప్రమోషన్ల లో బిజీ అవుతున్నారు. రాజ‌మ‌హేంద్ర వ‌రం లో జ‌రిగిన రామ్ చరణ్ గేమ్ ఛేంజర్ ప్రీ రిలీజ్ ఈవెంట్ కు ఆంధ్ర ప్రదేశ్ ఉప ముఖ్యమంత్రి పవన్ కళ్యాణ్ ముఖ్య అథితి గా హాజరు అయ్యారు. ఈ ఈవెంట్ లో రామ్ చరణ్ ను పవన్ కళ్యాణ్ ఆకాశానికి ఎత్తేశారు. అలాగే ఈ సినిమా బాక్స్ ఆఫీస్ వద్ద రికార్డులు బద్దలు కొట్టాలని కామెంట్స్ చేశారు.
ఇక ఇప్పుడు బాలకృష్ణ సినిమా డాకు మహారాజ్ సినిమా ఈవెంట్ వంతు వ‌చ్చింది. వాస్త‌వంగా ఈ సినిమా ఈవెంట్ కు బాలయ్య అల్లుడు .. ఏపీ మంత్రి నారా లోకేష్ ముఖ్య అథితిగా హాజరు కావాల్సి ఉంది. గురువారం అనంతపురం లో ఈ ఈవెంట్ జ‌ర‌గాల్సి ఉంది. అయితే తిరుపతి లో తొక్కిసలాట జ‌రిగి ఆరుగురు భక్తులు మృతి చెంద‌డంతో ఈ ఈవెంట్ క్యాన్సిల్ చేశారు. అంత‌త‌కు ముందే అమెరికా లోని డ‌ల్లాస్ లో జ‌రిగిన డాకూ మహారాజ్ ప్రి రిలీజ్ ఈవెంట్ కు ఏకంగా గుంటూరు ఎంపీగా ఉన్న కేంద్ర మంత్రి పెమ్మ‌సాని చంద్ర‌శేఖ‌ర్ హాజ‌రై మ‌రీ ఈ సినిమా ను ఆకాశానికి ఎత్తుతూ ప్ర‌మోట్ చేశారు. పెమ్మ‌సాని ని ప‌క్క‌న పెట్టేస్తే ... అబ్బాయి సినిమాకు బాబాయ్...మామ సినిమాకు అల్లుడు ప్రోమోషన్స్ చేస్తున్నట్లు చెప్పొచ్చు. మొత్తానికి సంక్రాంతి సినిమా ల‌కు ఏపీ మంత్రుల ప్రమోషన్ల జోరు మామూలుగా లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి