తాజాగా ఓ టీవి షోకి హాజరైన ప్రసాద్ తన భార్య సునీత గురించి మాట్లాడుతూ భావోద్వేగానికి లోనయ్యాడు. 'ప్రేమించుకున్నవాళ్లు కలిసి బతకడానికి పెళ్లి చేసుకుంటారు. కానీ నన్ను బతికించడం కోసమే ఆమె నన్ను పెళ్లి చేసుకుంది. నా భార్య గర్భవతిగా ఉన్నప్పుడు ఆస్పత్రికి వెళ్లాలి. కానీ తన గురించి వదిలేసి నా చుట్టూ తిరిగింది. నువ్వు చేసిన పనికి ఎలా కృతజ్ఞత చెప్పాలో తెలియడం లేదు. మామూలుగా తల్లిదండ్రుల కాళ్లు కడిగి నెత్తిన చల్లుకుంటారు. ఇప్పుడు నేనూ అదే చేయాలనుకుంటున్నా' అని అన్నాడు. ఈ సందర్భంగా ప్రసాద్ భార్యను కూర్చోబెట్టి తాంబూలంలో ఆమె కాళ్లు కడిగి.. ఆ నీళ్లను తన నెత్తిన చల్లుకున్నాడు. అది చూసి సునీత కూడా కన్నీళ్లు పెట్టుకుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి