ముఖ్యంగా 'దోప్ సాంగ్' అయితే ఓ ఊపు ఊపేసింది. ఇక యూత్‌ను ఓ ఊపు ఊపేస్తున్న మరో మాస్ బీట్.. 'రా మచ్చా'. ఈ పాటకు కేవలం అబ్బాయిలే కాదు, అమ్మాయిలు సైతం ఫిదా అయిపోతున్నారు. సోషల్ మీడియాలో ఈ పాటకు సంబంధించిన రీల్స్‌తో హోరెత్తిస్తున్నారు.
తాజాగా, ఓ గర్ల్స్ గ్యాంగ్ థియేటర్ ముందు గుంపుగా చేరి మరీ 'రా మచ్చా' పాటకు అద్భుతంగా స్టెప్పులేశారు. రామ్ చరణ్ గ్రేస్‌కు ఏ మాత్రం తగ్గకుండా వీరు చేసిన డ్యాన్స్ వీడియో ఇప్పుడు నెట్టింట వైరల్ అవుతోంది. ఈ అమ్మాయిల డ్యాన్స్ చూసిన మెగా ఫ్యాన్స్‌తో పాటు నెటిజన్లు కూడా ఫిదా అయిపోతున్నారు. "రామ్ చరణ్ పేరు నిలబెట్టారు." అంటూ కామెంట్లతో ముంచెత్తుతున్నారు. చిన్న తప్పు కూడా లేకుండా అంత పర్ఫెక్ట్‌గా డ్యాన్స్ చేశారంటే.. ఆ పాటకు వాళ్లెంత కనెక్ట్ అయ్యారో అర్థం చేసుకోవచ్చు.
ఇదిలా ఉండగా, మరో వీడియో కూడా సోషల్ మీడియాను షేక్ చేస్తోంది. 'గేమ్ ఛేంజర్' లోని మరో పాటకు ఓ అమ్మాయి ఒంటరిగా డ్యాన్స్ చేస్తూ అదరగొట్టింది. తన క్యూట్ ఎక్స్‌ప్రెషన్స్‌తో, గ్రేస్‌ఫుల్ మూవ్స్‌తో అందరినీ ముగ్ధులను చేస్తోంది. ఈ వీడియో చూసిన నెటిజన్లు ఆమె డ్యాన్స్‌ను తెగ మెచ్చుకుంటున్నారు.
దర్శకుడు శంకర్ తన సినిమాలలోని పాటల విషయంలో ఎంత శ్రద్ధ తీసుకుంటారో ప్రత్యేకంగా చెప్పాల్సిన పని లేదు. రీసెంట్‌గా నిర్మాత దిల్ రాజు చెప్పినట్లు.. ఈ సినిమాలో ఒక్కో పాటకు ఏకంగా 75 కోట్ల రూపాయలు ఖర్చు చేశారట. అంటే ఆ పాటలు ఏ రేంజ్‌లో ఉంటాయో ఊహించుకోవచ్చు. ఆ విజువల్ ట్రీట్‌ను థియేటర్‌లోనే చూడాలి.. అప్పుడే ఆ మజా వేరుంటుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి