ఇంతకుముందు వచ్చిన టీజర్‌తో ఉన్న అంచనాల్ని మరింత పెంచేస్తూ, ఈ ట్రైలర్‌లో బాలయ్య బాబు తనదైన శైలిలో అద్భుతమైన యాక్షన్ సీక్వెన్స్‌లతో దుమ్ము రేపారు. ఈ సినిమాలో బాలకృష్ణ ఏకంగా మూడు భిన్నమైన పాత్రల్లో కనిపించనున్నారు. ఒక పవర్ఫుల్ దొంగగా, ఒక నిజాయితీ గల ఆఫీసర్‌గా, అంతేకాదు, ఒక సాధారణ వ్యక్తిలా కూడా కనిపించనుండటం విశేషం.
ఇక బాలకృష్ణ సినిమాల్లో పంచ్ డైలాగులకు ఉండే క్రేజే వేరు కదా, ఈ సినిమాలో కూడా అదిరిపోయే డైలాగులు ఉన్నాయి. "ఎవ్వడైనా ఎం.ఎ చదివి ఉండొచ్చు, కానీ నేను మర్డర్స్‌లో మాస్టర్స్ చేశాను" అంటూ బాలకృష్ణ చెప్పే డైలాగ్ ట్రైలర్‌కే హైలైట్‌గా నిలిచింది. థమన్ అందించిన దద్దరిల్లే బ్యాక్ గ్రౌండ్ స్కోర్ ఈ డైలాగ్‌కు మరింత పవర్ ఇచ్చింది. బాబీ కొల్లి దర్శకత్వం వహించిన ఈ చిత్రంలో శృతి హాసన్, ప్రగ్యా జైస్వాల్, ఊర్వశి రౌటేలా, చాందినీ చౌదరి వంటి టాలెంటెడ్ హీరోయిన్లు ముఖ్య పాత్రల్లో కనిపించనున్నారు.
సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ బ్యానర్‌లపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. విజయ్ కార్తీక్ కన్నన్ సినిమాటోగ్రఫీ అందించగా, నిరంజన్ దేవరమానే ఎడిటర్‌గా వ్యవహరిస్తున్నారు. ట్రైలర్‌కు మాత్రం ప్రేక్షకుల నుంచి అదిరిపోయే రెస్పాన్స్ వస్తోంది.
రీసెంట్ గా ఈ ట్రైలర్ థియేటర్లలో ప్లే చేశారు. అది థియేటర్లలో ట్రైలర్ ప్లే అవుతుంటే అభిమానులు కేరింతలు, గోలలతో హోరెత్తిస్తున్నారు. కొన్ని థియేటర్లలో అయితే ఇంటర్వెల్స్‌లో కూడా ఈ ట్రైలర్‌ను ప్రదర్శిస్తుండటం విశేషం.
ముఖ్యంగా థమన్ అందించిన బ్యాక్ గ్రౌండ్ స్కోర్‌కు అందరూ ఫిదా అయిపోతున్నారు. యాక్షన్ సీన్స్‌కు అదిరిపోయే ఎనర్జీని ఇచ్చిందని చెబుతున్నారు. థియేటర్లలో ప్రేక్షకుల రెస్పాన్స్‌కు సంబంధించిన వీడియోలు సోషల్ మీడియాలో వైరల్ అవుతున్నాయి. చాలామంది అభిమానులు సినిమా యూనిట్‌కు శుభాకాంక్షలు తెలుపుతూ పోస్టులు పెడుతున్నారు. మొత్తానికి "డాకు మహారాజ్" రేపే థియేటర్లలో సందడి చేయడానికి సిద్ధమవుతోంది. ట్రైలర్‌తో క్రియేట్ అయిన ఈ బజ్‌తో సినిమాపై అంచనాలు ఆకాశాన్ని తాకేలా ఉన్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి