ఇదిలా ఉండగా ఈ సినిమా సెకండ్ ట్రైలర్ లాంచ్ కార్యక్రమాన్ని నిర్వహించగా.. ఇందులో సంగీత దర్శకుడు తమన్ మాట్లాడుతూ ఎమోషనల్ కామెంట్లు చేశారు. ఈ చిత్ర బృందం సృష్టించిన డాకు మహారాజ్ ప్రపంచం ఎంతో గొప్పది. చాలా కొత్తగా కూడా ఉంటుంది. దీనికోసం టీమ్ అంతా కూడా ఎంతో కష్టపడ్డారు. ముఖ్యంగా కోవిడ్ సమయంలో అఖండ కోసం బాలయ్య ఎంత కష్టపడ్డారో మాకు తెలుసు. డాకు మహారాజ్ కి కూడా ఆయన అంతే కష్టపడ్డారు. కొన్ని సినిమాలకు ప్రాణం పెట్టి సంగీతం చేయాలి అనిపిస్తుంది. అలాంటి చిత్రాలలో డాకు మహారాజ్ కూడా ఒకటి.
ఇక బాలయ్య గురించి ఎంత చెప్పినా తక్కువే. నా జీవితంలో నాకు నాన్న లేరనే లోటు బాలకృష్ణ గారి వల్లే తీరిపోయింది. నేను బాగుండాలని మనస్పూర్తిగా నన్ను దీవిస్తారు. నన్ను ఎంతో నమ్మారు. అందుకే ఆయన సినిమాలకి నేను మరింత బాధ్యతగా మనసుపెట్టి సంగీతాన్ని అందిస్తున్నాను. ఈ సినిమాతో డైరెక్టర్ బాబి కూడా మరో స్థాయికి వెళ్లిపోతారు. ఖచ్చితంగా ఈ సినిమా సక్సెస్ మీట్ లో మళ్ళీ కలుద్దాం అంటూ తమన్ తెలిపారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి