- ( టాలీవుడ్ - ఇండియా హెరాల్డ్ ) . . .


టాలీవుడ్‌లో అగ్ర నిర్మాణ సంస్థలలో వైజయంతి మూవీస్ ఒకటి. చలసాని అశ్వినీదత్ .. వైజయంతి బ్యాన‌ర్‌ పై నాటి ఎన్టీఆర్ నుంచి.. నేడు ప్రభాస్ , మహేష్ బాబు , అల్లు అర్జున్ , జూనియర్ ఎన్టీఆర్ లాంటి స్టార్ హీరోల వరకు అందరితోనూ సినిమాలు తీశారు. .మరీ ముఖ్యంగా వైజయంతి మూవీస్, చిరంజీవి కాంబినేషన్ అంటే మంచి క్రేజ్ ఉండేది. వీరిద్దరి కాంబినేషన్‌లో జగదేకవీరుడు అతిలోకసుందరి , చూడాలని ఉంది లాంటి.. రెండు సూపర్ డూపర్ హిట్ సినిమాలు తర్వాత .. ముచ్చటగా మూడో సినిమాగా 2002లో ఇంద్ర సినిమా వచ్చింది. .


బి.గోపాల్ ఈ సినిమాకు దర్శకుడు. అంత‌కు ముందు చిరుతో ఆయ‌న మెకానిక్ అల్లుడు సినిమా తెర‌కెక్కించారు. ఇంద్ర సినిమా అప్పటివరకు టాలీవుడ్ సినిమా చరిత్రలో ఉన్న ఎన్నో రికార్డులను తిరగరాసింది. ఈ సినిమాకు ఆ రోజుల్లోనే చిరంజీవి రెమ్యూనరేషన్ కాకుండా.. రూ.7 కోట్ల బడ్జెట్ అయింది. ఆ రోజుల్లో ఇది చాలా ఎక్కువ బడ్జెట్. ఈ సినిమా లాంగ్ ర‌న్‌లో 122 కేంద్రాలలో వంద రోజులు ఆడడంతో పాటు.. 50 కోట్లకు పైగా గ్రాస్ వ‌సూళ్ల ను సాధించింది.


రూ. 50 కోట్ల వసూళ్లు సాధించిన తొలి సినిమాగా ఇంద్ర రికార్డుల్లోకి ఎక్కింది. ఆ తర్వాత నాలుగేళ్లకు మహేష్ బాబు పోకిరి సినిమా ఈ రికార్డును బ్రేక్ చేసింది. మొత్తం 268 స్క్రీన్ లలో ఇంద్ర సినిమాని రిలీజ్ చేశారు. అత్యధిక థియేటర్లలో 50 రోజులు , 122 కేంద్రాలలో వంద రోజులు , పలు కేంద్రాలలో 175 రోజులు ఆడింది. విజయవాడలో ఇంద్ర 175 రోజుల ఫంక్షన్ చేశారు. అప్పుడు ముఖ్యమంత్రిగా ఉన్న చంద్రబాబు దీనికి చీఫ్ గెస్ట్ గా వచ్చారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

RAMAKRISHNA S.S.

14/01/2025 12:53 PM