( టాలీవుడ్ - ఇండియా హెరాల్డ్ ) . . .


టాలీవుడ్ సూపర్ స్టార్ మహేష్ బాబు, పూరి జగన్నాథ్ కాంబినేషన్లో తెరకెక్కి.. 2006 సమ్మర్ కానుకగా ప్రేక్షకులు ముందుకు వచ్చిన పోకిరి సినిమా.. అప్పటివరకు టాలీవుడ్ ఇండస్ట్రీలోనే ఆల్ టైం బ్లాక్ బస్టర్ సినిమాగా నిలిచింది. వాస్తవానికి పూరి జగన్నాథ్ ఈ కథను అంతకు ఆరేళ్ల ముందుగానే రాసుకున్నారు. పూరి.. పవన్ కళ్యాణ్ తో తెర‌కెక్కించిన బద్రి సినిమా కన్నా ముందే.. పోకిరి కథ రాసుకున్నారట. తొలత ఈ కథకు హీరోలుగా పవన్ కళ్యాణ్, మాస్ మహారాజ్ రవితేజలను అనుకున్నారు. బద్రి సినిమా హిట్ అయ్యాక ఈ కథ పవన్‌కు బాగా సూట్ అవుతుందని అనుకున్నారట.


అయితే కథ విన్న పవన్.. హీరో మరి నెగటివ్ రోల్‌లో ఉంటే ఎలా.. ఈ కథ తన ఇమేజ్‌కు సూట్ కాదని వదులుకున్నారు. ఆ తర్వాత రవితేజ పేరు కూడా పరిశీలించారు. అయితే అప్పటికే పూరితో ఇడియట్, అమ్మానాన్న ఓ తమిళ అమ్మాయి లాంటి సినిమాలు రవితేజ చేసి ఉన్నారు. పోకిరి సినిమాలో హీరో పాత్ర కూడా అలానే ఉండటంతో రవితేజ చేయలేదు. చివరకు ఇది అటు, ఇటు తిరిగి.. మహేష్ బాబు దగ్గరికి చేరింది. మహేష్ ఈ స్క్రిఫ్ట్‌ లోకి ఎంట్రీ ఇచ్చాక.. పోకిరి కథలో కొన్ని మార్పులు.. చేర్పులు.. చేసి మహేష్ ఇమేజ్‌కు తగినట్టుగా మార్చారు.


ఇక ఈ సినిమాలో హీరోయిన్ ఇలియానా పాత్ర‌ను ముందుగా సూప‌ర్ హీరోయిన్ అయేషా టాకియాను అడ‌గ‌గా ముందుగా ఆమె కొన్ని కారణాలతో ఈ పాత్ర వదులుకుంది. తర్వాత బాలీవుడ్ ముద్దుగుమ్మ కంగన రనౌత్‌ను ఈ సినిమాకు తీసుకున్నారు. అయితే అదే టైంలో బాలీవుడ్ సినిమా గ్యాంగ్ స్టార్‌కు డేట్లు ఇవ్వాల్సి రావడంతో.. ఆమె పోకిరి సినిమా వదులుకుంది. చివరకు ఆ అవకాశం అప్పటికే దేవదాసు సినిమాతో తెలుగు కుర్ర కారు హృదయంలో గిలిగింతలు పెట్టిన ఇలియానాకు దక్కింది. పోకిరి హిట్టయ్యాక ఇలియానా టాలీవుడ్‌లో వెనక్కి తిరిగి చూసుకోకుండా ఏడెనిమినది సంవత్సరాలు దూసుకుపోయింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

RAMAKRISHNA S.S.

14/01/2025 01:04 PM