ఈ మధ్యకాలంలో  రీ రిలీజ్ ల సినిమాల ట్రెండ్ ఎక్కువగా కొనసాగుతోంది. స్టార్ హీరోల పుట్టినరోజు లేకపోతే ఏదైనా స్పెషల్ డేస్ సందర్భంగా స్టార్ హీరోలు చిత్రాలు ఘనంగా సాధించిన చిత్రాలను రీ రిలీజ్ చేస్తూ ఉన్నారు. అంతేకాకుండా మరికొన్ని ఫ్లాప్ చిత్రాలను కూడా విడుదల చేసి మంచి విజయాలను అందుకున్న సందర్భాలు ఉన్నాయి. అయితే ఈసారి ప్రేమికుల రోజు సందర్భంగా సూపర్ స్టార్ మహేష్ బాబు నటించిన ఒక స్పెషల్ సినిమా రాబోతున్నదట. ఆ సినిమానే అతిధి.



ఈ చిత్రాన్ని డైరెక్టర్ సురేందర్ రెడ్డి దర్శకత్వం వహించగా మహేష్ బాబు హీరోగా అమృత రావు హీరోయిన్గా నటించారు.. 2007లో ఈ సినిమా ప్రేక్షకుల ముందుకు వచ్చింది. మణిరత్నం సంగీతాన్ని అందించగా బాక్సాఫీస్ వద్ద ఈ సినిమా సక్సెస్ అందుకోలేకపోయింది. కానీ మహేష్ బాబు నటనకు మంచి మార్కులే పడ్డాయి. ఇప్పుడు తాజాగా ఈ సినిమా రిలీజ్ చేయడంతో అభిమానులు ఈ సినిమాని థియేటర్లో చూసేందుకు ఎంత మేరకు ఆసక్తిగా ఉన్నారో అర్థం కావడం లేదు. మరి ఎలాంటి రికార్డులను బద్దల కొడుతుందో చూడాలి.


గత ఏడాది జనవరి 12న మహేష్ బాబు నటించిన గుంటూరు కారం సినిమా రిలీజ్ అయ్యి  మంచి విజయాన్ని అందుకుంది.. ప్రస్తుతం రాజమౌళి డైరెక్షన్లో తన 29వ చిత్రంలో నటిస్తూ ఉన్నారు మహేష్. ఇటీవలే ఈ సినిమాకి సంబంధించి పూజా కార్యక్రమాలు కూడా చాలా గ్రాండ్గా జరుపుకుంది. త్వరలోనే రెగ్యులర్ షూటింగ్ కూడా జరగబోతోంది. ఇందులో నటీనటులకు సంబంధించి ఇంకా అధికారికంగా చిత్ర బృందం ప్రకటించలేదు. ఈ చిత్రాన్ని రెండు భాగాలుగా తెరకెక్కించడమే కాకుండా నాలుగేళ్లు తమ డేట్ లను మహేష్ బాబు కేటాయించినట్లు వార్తలు వినిపిస్తున్నాయి. ఈ సినిమాతో కచ్చితంగా మహేష్ బాబు కూడా పాన్ వరల్డ్ హీరోగా పేరు పొందుతారని అభిమానులు ధీమాతో ఉన్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

RE RELEASE MOVIE ATHIDI VALENTINE DAY

Divya

14/01/2025 02:12 PM