విక్టరీ వెంకటేష్ తాజాగా నటించిన చిత్రం సంక్రాంతికి వస్తున్నాం. ఈ సినిమాకు అనిల్ రావిపూడి దర్శకత్వం వహించారు. వీరిద్దరి కాంబినేషన్లో సినిమా అని తెలిసినప్పటి నుంచి అభిమానులు సంక్రాంతికి వస్తున్నాం సినిమాపై భారీగా ఎక్స్పెక్టేషన్స్ పెట్టుకున్నారు. వారి అంచనాలకు ఏమాత్రం తీసిపోని విధంగా అనిల్ రావిపూడి ఈ సినిమాను అద్భుతంగా తీర్చిదిద్దారు. ఈ సినిమా నిన్న థియేటర్లలో విడుదలై పాజిటివ్ టాక్ తో దూసుకుపోతోంది.


ఈ సినిమాలో వెంకటేష్ సరసన హీరోయిన్లుగా ఐశ్వర్య రాజేష్, మీనాక్షి చౌదరి నటించారు. ఈ సినిమా ఫ్యామిలీ ఎంటర్టైనర్ గా తెరకెక్కింది. ఈ సినిమాకు దిల్ రాజు నిర్మాతగా వ్యవహరించారు. ఈ సినిమాలో వెంకటేష్ తన కామెడీ టైమింగ్ తో ప్రేక్షకులను విపరీతంగా ఆకట్టుకున్నాడు. వెంకటేష్ తన విశ్వరూపాన్ని అభిమానులకు ప్రదర్శించాడు. ఆయన భార్య పాత్రకి ఐశ్వర్య రాజేష్ అద్భుతంగా చెప్పవచ్చు.



లవర్ పాత్రలో మీనాక్షి చౌదరి అందంగా మెరిసి అలరించింది. కాగా, ఈ సినిమా సక్సెస్ టాక్ తో దూసుకుపోవడంతో నిన్న సాయంత్రం చిత్రబృందం సక్సెస్ మీట్ ను నిర్వహించారు. ఇందులో వెంకటేష్, మీనాక్షి చౌదరి, ఐశ్వర్య రాజేష్, అనిల్ రావిపూడి, దిల్ రాజు, శిరీష్ తదితరులు పాల్గొన్నారు. అయితే ఈ సినిమాలో ఐశ్వర్య రాజేష్ పాత్రను నటి కాజల్ మిస్ చేసుకుందట. మొదట ఈ సినిమాలో కాజల్ ను పెట్టి సినిమా తీయాలని అనుకున్నారట.


అయితే ఆమె కొన్ని వ్యక్తిగత కారణాలవల్ల ఈ సినిమాలో నటించడానికి ఒప్పుకోలేదట దీంతో ఐశ్వర్య రాజేష్ ను సంప్రదించగా ఆమె వెంటనే ఒప్పుకుందట. వెంకీ భార్య పాత్రలో నటించే అవకాశాన్ని అందిపుచ్చుకుంది. ఈ విషయం తెలిసి కాజల్ అభిమానులు ఇంత మంచి సినిమాను మిస్ చేసుకున్నావ్ అంటూ కామెంట్లు చేస్తున్నారు. ఈ సినిమాలో వెంకటేష్ భార్య పాత్రలో కాజల్ నటించి ఉంటే సినిమా మరింత సక్సెస్ అయ్యుండేదని సోషల్ మీడియాలో కామెంట్లు చేస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Sankranthiki Vasthunam

Veldandi Saikiran

15/01/2025 02:19 PM