* రజనీకాంత్, నెల్సన్ కాంబినేషన్ లో రాబోతున్న ఈ సినిమా టీజర్ అదిరిపోయింది.
* అనిరుధ్ మ్యూజిక్, రజనీకాంత్ యాక్షన్ సీక్వెన్స్ లు హైలైట్ గా నిలిచాయి.
(తెలంగాణ - ఇండియా హెరాల్డ్)
సూపర్ స్టార్ రజనీకాంత్ నటించిన బ్లాక్‌బస్టర్ మూవీ 'జైలర్' కు సీక్వెల్ రాబోతోంది. 'జైలర్ 2' అఫీషియల్‌గా లాంచ్ అయింది. రిలీజ్ చేసిన టీజర్ చూస్తే గూస్‌బంప్స్ రావడం ఖాయం. 2023లో వచ్చిన 'జైలర్' ఎంత పెద్ద హిట్ అయిందో ప్రత్యేకించి చెప్పాల్సిన పనే లేదు. ఇప్పుడు దానికి మించి ఉండేలా ఈ సీక్వెల్ ప్లాన్ చేస్తున్నారు. రజనీకాంత్, డైరెక్టర్ నెల్సన్ దిలీప్‌కుమార్ కాంబినేషన్‌లో మళ్లీ వస్తుండటంతో అంచనాలు ఎక్కడికో వెళ్లిపోయాయి.
'జైలర్' సినిమా ఎక్కడ ఆగిందో, అక్కడి నుంచే 'జైలర్ 2' కథ మొదలవుతుంది. టైగర్ ముత్తువేల్ పాండియన్ కథ మరింత ఉత్కంఠభరితంగా, భావోద్వేగాలతో అలరించనుంది. మొదటి సినిమాకు అదిరిపోయే మ్యూజిక్ అందించిన అనిరుధ్ రవిచందర్ ఈ సీక్వెల్‌కు కూడా సంగీతం అందిస్తున్నారు. అంటే పాటలు, బ్యాక్‌గ్రౌండ్ స్కోర్ నెక్స్ట్ లెవెల్‌లో ఉండబోతున్నాయని చెప్పుకోవచ్చు.
ఇటీవల సన్ పిక్చర్స్ రిలీజ్ చేసిన టీజర్ సోషల్ మీడియాలో ట్రెండింగ్‌లో ఉంది. టీజర్‌లో అనిరుధ్, నెల్సన్ కూల్‌గా స్క్రిప్ట్ గురించి మాట్లాడుకుంటూ ఉంటారు. అంతే ఒక్కసారిగా సీన్ మారిపోతుంది. శత్రువులను చితక్కొడుతూ యాక్షన్ మొదలవుతుంది. సూపర్ స్టార్ రజనీకాంత్ గన్ పట్టుకుని ఎంట్రీ ఇస్తే థియేటర్లు దద్దరిల్లడం ఖాయం. టీజర్ చివర్లో రజినీకాంత్ తనదైన స్టైల్‌లో శత్రువులను పేల్చేసే సీన్ చూస్తే విజిల్స్ వేయకుండా ఉండలేరు. టైగర్ ముత్తువేల్ పాండియన్ ఈజ్ బ్యాక్ అని గట్టిగా చెప్పొచ్చు.
ఇంకో ఇంట్రెస్టింగ్ రూమర్ దీని గురించి చక్కర్లు కొడుతోంది. ఈ సినిమాలో టాలీవుడ్ సీనియర్ హీరో బాలకృష్ణ ఒక పవర్ ఫుల్ పోలీస్ ఆఫీసర్ పాత్రలో కనిపించనున్నారట. అంతేకాదు, యంగ్ టాలెంటెడ్ హీరో ఒకరు సైతం ఈ సినిమాలో జాయిన్ అవ్వడానికి ఛాన్స్ ఉందంటున్నారు. ఒకవేళ ఇది నిజమైతే, ఇది తమిళ, తెలుగు ఇండస్ట్రీల కలయికతో ఒక గ్రాండ్ మూవీగా నిలవనుంది. అయితే, అఫీషియల్ కాస్ట్ లిస్ట్ షూటింగ్ మొదలయ్యే ముందు అనౌన్స్ చేస్తారు.
సన్ పిక్చర్స్ భారీ బడ్జెట్‌తో నిర్మిస్తున్న ఈ సినిమా షూటింగ్ ఈ సంవత్సరంలోనే మొదలుపెట్టి, 2025 చివరిలో లేదంటే 2026లో రిలీజ్ చేయడానికి ప్లాన్ చేస్తున్నారు. ఈ సినిమా రిలీజ్ అయ్యాక వరల్డ్ వైడ్‌గా రూ.1000 కోట్ల కలెక్షన్లు సాధిస్తుందని అప్పుడే అంచనాలు వేస్తున్నారు. రజనీకాంత్ తన పవర్ఫుల్ పెర్ఫార్మెన్స్‌తో మరోసారి బాక్సాఫీస్‌ను షేక్ చేయడానికి రెడీ అవుతున్నారు. ఈ సినిమా రిలీజ్ కోసం ఫ్యాన్స్ ఈగర్ గా వెయిట్ చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి