అయితే తాజాగా బాలయ్య ఫ్యాన్స్ పైన పోలీస్ కేసు నమోదు అయినట్లుగా వార్తలు వినిపిస్తున్నాయి. అసలు విషయంలోకి వెళ్తే డాకుమహారాజ్ సినిమా రిలీజ్ సందర్భంగా జనవరి 12వ తేదీన రాత్రి సమయంలో కొంతమంది బాలయ్య అభిమానులు సైతం థియేటర్లు వద్ద పొట్టేలును తీసుకువచ్చి మరి అక్కడ బలి ఇవ్వడంతో పాటుగా దాని రక్తంతో పోస్టర్స్ పైన చల్లారు ఇందుకు సంబంధించిన వీడియోలను కూడా సోషల్ మీడియాలో షేర్ చేయడంతో అది వైరల్ గా మారింది.
అయితే ఈ ఘటన పైన స్పందించిన తిరుపతి డిఎస్పి వెంకటనారాయణ వీరి పైన కేసు నమోదు చేయించినట్లు సమాచారం. అయితే ఈ వీడియోని పరిశీలించిన తర్వాత పోలీసు అధికారులు ఆర్సిపురం పట్టణానికి చెందిన మచ్చరెడ్డిపల్లి ప్రాంతంలో ఉండేటువంటి శంకరయ్య, తిరుపతి కొర్లగుంటకు చెందిన రమేష్ అలాగే సురేష్ రెడ్డి, మరొక ప్రాంతానికి చెందిన ప్రసాద్ లోకేష్ బాబుల పైన కూడా కేసు నమోదు చేసినట్లు సమాచారం. వీరందరి పైన జంతు హింస చట్టం కింద కేసు నమోదు చేసి దర్యాప్తు చేస్తున్నట్లు వార్తలు వినిపిస్తున్నాయి. మొత్తానికి బాలయ్య అభిమానులు చేసిన ఈ హంగామా వారి మెడకే చుట్టుకున్నట్టు కనిపిస్తోంది. మరి ఇక మీదటైనా ఇలాంటి జంతు హింసను బాలయ్య అభిమానులు ఆపుతారేమో చూడాలి మరి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి