కాగా, అల్లు అర్జున్ నటించిన తాజా చిత్రం పుష్ప-2. ఈ సినిమాకు సుకుమార్ దర్శకత్వం వహించారు. వీరిద్దరి కాంబినేషన్లో ఇదివరకే రిలీజ్ అయిన పుష్ప సినిమా మంచి విజయాన్ని అందుకోవడంతో పుష్ప-2 సినిమాపై ప్రేక్షకులు విపరీతంగా ఆశలు పెట్టుకున్నారు. అదే స్థాయిలో ఈ సినిమా మంచి విజయాన్ని నమోదు చేసుకుంది. అత్యంత భారీ బడ్జెట్ తో పుష్ప-2 సినిమాను థియేటర్లోకి తీసుకువచ్చారు.
ఈ సినిమా డిసెంబర్ 4వ తేదీన ప్రపంచవ్యాప్తంగా విడుదలై పాజిటివ్ టాక్ తో దూసుకుపోయింది. అదేవిధంగా కలెక్షన్లు కూడా భారీ స్థాయిలో వచ్చాయి. కాగా, పుష్ప-2 సినిమా నిర్మాతలు రూ. 2 వేల కోట్ల కలెక్షన్లపై ఫోకస్ పెట్టినట్లుగా సమాచారం అందుతుంది. అందులో భాగంగా సినిమా రీలోడెడ్ వెర్షన్ ను ఈ రోజు నుంచి థియేటర్లలో వేయనున్నారు.
20 నిమిషాల ఫుటేజీని అదనంగా సినిమాకు యాడ్ చేసినట్లుగా మేకర్స్ అనౌన్స్ చేశారు. దీంతో మూవీ రన్ టైం 3 గంటల 40 నిమిషాలకు చేరుకుంటుంది. నైజాంలో టికెట్ ధరలు సింగిల్ స్క్రీన్ లలో రూ. 112, మల్టీప్లెక్స్ లలో రూ. 150గా ఉన్నాయి. ఈ సినిమా రూ. 1850 కోట్లకు పైగా గ్రాస్ కలెక్షన్లను రాబట్టింది. దీంతో అల్లు అర్జున్ అభిమానులు సంబరాలు జరుపుకుంటున్నారు. ఈ సినిమాకు మరి కాస్త ఫుటేజీని యాడ్ చేయడంతో ఈ సినిమా చూడడానికి అభిమానులు మరోసారి ఆసక్తిని చూపిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి