వెన్నెల కిషోర్ కామెడీ టైమింగ్‌ను బ్రహ్మానందం తెగ మెచ్చుకున్నారు. వెన్నెల కిషోర్ అశ్లీల డైలాగులు, అసభ్యకరమైన హావభావాలు లేకుండానే అందరినీ నవ్విస్తాడని, అతని కామెడీ టైమింగ్ అద్భుతంగా ఉంటుందని కొనియాడారు. అంతేకాదు, ఇండస్ట్రీలో తన కామెడీ వారసుడు వెన్నెల కిషోరే అని బ్రహ్మానందం కుండబద్దలు కొట్టినట్లు చెప్పారు. వీరిద్దరూ కలిసి చాలా సినిమాల్లో నటించారు. ఆ సమయంలో వెన్నెల కిషోర్ టాలెంట్ చూసే బ్రహ్మానందం ఈ కామెంట్స్ చేసి ఉండొచ్చు.
బ్రహ్మానందం, ఆయన కుమారుడు రాజా గౌతమ్‌లు కలిసి నటిస్తున్న తాజా చిత్రం 'బ్రహ్మానందం'. ఈ సినిమా టీజర్ విడుదల సందర్భంగా బ్రహ్మానందం ఈ వ్యాఖ్యలు చేశారు. ఈ సినిమాలో కామెడీతో పాటు ఎమోషన్స్ కూడా పుష్కలంగా ఉంటాయని తెలుస్తోంది. రాహుల్ యాదవ్ నక్కా నిర్మిస్తున్న ఈ చిత్రానికి ఆర్‌విఎస్ నిఖిల్ దర్శకత్వం వహిస్తున్నారు.
టీజర్‌లో వెన్నెల కిషోర్, రాజా గౌతమ్‌ల మధ్య వచ్చే కామెడీ సీన్స్ అదిరిపోయాయి. బ్రహ్మానందం తనదైన శైలిలో కామెడీ టైమింగ్‌తో అదరగొట్టారు. టీజర్ చివర్లో ఎమోషనల్ సీన్స్ కూడా ఉన్నాయి. ఈ సినిమా తప్పకుండా అందరినీ అలరిస్తుందని అభిమానులు ఆశాభావం వ్యక్తం చేస్తున్నారు. బ్రహ్మానందం కోసమైనా ఈ సినిమాని చూడడానికి థియేటర్లకు వెళ్తారు అని పేర్కొంటున్నారు. బ్రహ్మానందం ఈ మూవీలో మంచి కామెడీ ట్రాక్ చేస్తే అది కచ్చితంగా సక్సెస్ అయినట్లే అని చెప్పుకోవచ్చు. ఈ మూవీ ట్రైలర్ లాంచ్ సందర్భంగా వెన్నెల కిషోర్ కూడా హాజరయ్యి హైప్స్ పెంచేశారు. అతను కూడా ఈ సినిమాలో నటించాడు. చూడాలి మరి మూవీ ఎంత మేరకు ప్రేక్షకులను ఆకట్టుకుంటుందో.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి