అనిల్ రావిపూడి దర్శకత్వం వహించినటువంటి ఎలాంటి సినిమా అయినా సరే మంచి విజయాన్ని అందుకుంటుంది. ముఖ్యంగా అనిల్ రావిపూడి-వెంకటేష్ కాంబినేషన్ లో సినిమా వచ్చిందంటే చాలు అభిమానులు ఎంతో ఆసక్తిని చూపిస్తారు. వీరిద్దరి కాంబినేషన్లో ఇదివరకే వచ్చిన ఎఫ్2, ఎఫ్3 సినిమాలు మంచి విజయాన్ని అందుకున్నాయి. ఇక వీరిద్దరి కాంబినేషన్లో వచ్చిన తాజా చిత్రం సంక్రాంతికి వస్తున్నాం. ఈ సినిమా సంక్రాంతి కానుకగా జనవరి 14వ తేదీన థియేటర్లోకి వచ్చింది. సినిమా విడుదలైన మొదటి రోజున పాజిటివ్ టాక్ తో దూసుకుపోయింది. 


ఆ సంతోషంలో చిత్ర బృందం విజయోత్సవ సభను నిర్వహించారు. ఇందులో చిత్ర బృందం అందరూ పాల్గొన్నారు. కాగా, ప్రతి ఒక్కరి జీవితంలో వివాహానికి ముందు ఒక మాజీ లవర్ ఉంటుంది. ఆ విషయం తన భార్యకు తెలిసినట్లయితే ఇంట్లో ఉండే గొడవ ఎలా ఉంటుందో ఈ సినిమాలో అద్భుతంగా చూపించారు. వెంకటేష్ భార్యగా ఐశ్వర్య రాజేష్ నటించగా, మాజీ లవర్ పాత్రలో మీనాక్షి చౌదరి అద్భుతంగా నటించింది. ఐశ్వర్య రాజేష్ తన అమాయకమైన మాటలు, ఎక్స్ప్రెషన్స్ తో అభిమానులను ఆకట్టుకుంది.


ఈ సినిమా ప్రస్తుతం థియేటర్లలో మంచి సక్సెస్ రేట్ తో దూసుకుపోతోంది. కాగా, సక్సెస్ మీట్ భాగంగా ఐశ్వర్య రాజేష్ మాట్లాడుతూ కొన్ని ఆసక్తికర విషయాలను షేర్ చేసుకుంది. ఈ సినిమాలో నలుగురు పిల్లల తల్లిగా తన పాత్ర చాలా బాగుందని చెప్పింది. అయితే ఈ సినిమాలో నటించే అవకాశం మొదట తనకు మాత్రమే రాలేదని ఇదివరకే ముగ్గురు హీరోయిన్ల వద్దకు ఈ సినిమా స్టోరీ వెళ్ళిందని కానీ వారు నలుగురు పిల్లల తల్లి అనేసరికి ఆసక్తిని చూపించలేదని ఐశ్వర్య రాజేష్ చెప్పింది.


నలుగురు పిల్లల తల్లి పాత్ర అయినప్పటికీ నాకు పెద్ద ఇష్యుల ఏమీ అనిపించలేదని అందుకే నటించానని ఐశ్వర్య రాజేష్ వెల్లడించారు. ఈ సినిమా విడుదలై మంచి టాక్ అందుకోవడంతో చాలా సంతోషంగా ఉన్నానని ఐశ్వర్య రాజేష్ వెల్లడించింది. ఈ సినిమా విడుదలైన అనంతరం సోషల్ మీడియాలో కొంతమంది నలుగురు పిల్లల తల్లి అంటూ నెగిటివ్ ట్రోల్ చేశారు. కాగా, ఈ సినిమా అనంతరం ఐశ్వర్య రాజేష్ కు వరుసగా సినిమాలలో నటించే అవకాశాలు వస్తున్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Veldandi Saikiran

18/01/2025 09:16 PM