"సినిమా చూశాక మహేష్ సర్ నన్ను, టీమ్‌ని కలిశారు. నా వర్క్ చూసి 'నువ్వు చాలా బాగా చేశావ్‌ బుల్లిరాజు' అని మెచ్చుకున్నారు. అంతే కాదు, నా కోసమే మళ్లీ సినిమా చూస్తానని కూడా అన్నారు. ఆయన నాతో కలిసి డ్యాన్స్ కూడా చేశారు. అదొక సూపర్ మెమొరబుల్ మూమెంట్," అంటూ ఆనందంతో ఉబ్బితబ్బిబ్బయ్యాడు రేవంత్.
ఇక సంక్రాంతికి వచ్చి బాక్సాఫీస్‌ను షేక్ చేసిన ‘సంక్రాంతికి వస్తున్నాం’ సక్సెస్ మీట్ చాలా ఘనంగా జరిగింది. విక్టరీ వెంకటేష్ హీరోగా నటించిన ఈ సినిమా రిలీజైన కేవలం నాలుగే రోజుల్లోనే వరల్డ్ వైడ్ గా రూ.100 కోట్ల క్లబ్‌లో చేరిపోయింది. దీంతో సక్సెస్ మీట్‌ను గ్రాండ్‌గా నిర్వహించారు. వెంకీమామకు బెస్ట్ ఫ్రెండ్, సీతమ్మ వాకిట్లో సిరిమల్లె చెట్టు కో-స్టార్ అయిన ప్రిన్స్ మహేష్ బాబు ఈ ఈవెంట్‌కు హాజరై సందడి చేశారు. టీమ్‌కు తన సపోర్ట్‌ను అందించారు. అదే సమయంలో బుల్లిరాజు పాత్ర పోషించిన బేబీ రేవంత్ ను బాగా ప్రశంసించినట్లు తెలుస్తోంది
‘సంక్రాంతికి వస్తున్నాం’ సినిమాలో బేబీ రేవంత్, రాజు – భాగ్యలక్ష్మిల కొడుకు రాజుగా అదరగొట్టాడు. ఇక మన విక్టరీ వెంకటేష్ గారు రిటైర్డ్ డీసీపీ యాదగిరి దామోదర రాజు (వై.డి. రాజు)గా పవర్ ఫుల్ రోల్ చేశారు. ఆయన పక్కన మీనాక్షి చౌదరి, రాజు ఎక్స్ లవర్ మీనాక్షి "మీను" ఐపీఎస్‌గా, అలాగే ఐశ్వర్య రాజేష్, రాజు భార్య భాగ్యలక్ష్మి "భాగ్యం"గా కనిపించారు.
కథ విషయానికొస్తే.. సీఎం కేశవ ఫామ్ హౌస్‌లో కిడ్నాప్ అయిన సత్య అకేల్లా అనే సీఈవోను కాపాడమని ఐపీఎస్ ఆఫీసర్ మీనాక్షి, తన ఎక్స్-బాయ్‌ఫ్రెండ్ అయిన వై.డి.రాజు (వెంకటేష్)ను పిలుస్తుంది. రాజు సరేనంటాడు కానీ, రాజు మళ్లీ మీనాక్షితో క్లోజ్ అవుతాడేమోనని భయపడి భాగ్యలక్ష్మి (ఐశ్వర్య రాజేష్) కూడా తనతో వస్తానని పట్టుబడుతుంది. దీంతో కామెడీ, యాక్షన్, ఎమోషన్స్ కలగలిసిన ఒక ఇంట్రెస్టింగ్ డ్రామా మొదలవుతుంది. ఈ ముగ్గురూ కలిసి ఆ కేసును ఎలా సాల్వ్ చేశారన్నదే సినిమా కథ.
ఏదేమైనా సంక్రాంతికి వస్తున్నాం అదిరిపోయే పర్ఫార్మెన్స్‌లు, ఆసక్తికరమైన కథతో ఆడియన్స్ మనసు దోచుకుంది. అందుకే ఈ సీజన్‌లో బిగ్గెస్ట్ హిట్స్‌లో ఒకటిగా నిలిచింది అనడంలో ఎలాంటి సందేహం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి