ఇక ఈ సినిమాలో ఆ 20 నిమిషాలు వైల్డ్ ఫైర్ అటాక్ సీన్ ఉంటుందని తెలుస్తోంది. ఆ సీన్ కి థియేటర్స్ మొత్తం షేక్ అయిపోవాల్సిందే అంటూ టాక్ వినిపిస్తుంది. అలాగే ఈ 20 నిమిషాల సీన్ లో మంటల్లో నటించాల్సి ఉంటుందని సమాచారం. అంతేకాదు ఈ సీన్ లో మహేష్ బాబు ఎటువంటి డూప్ లేకుండా నిజమైన మంటల్లో నటించలని నిర్ణయించుకున్నట్లు తెలుస్తోంది. మొదట ఇలా నటించడానికి మహేష్ బాబు నో చెప్పినట్లు.. తరవాత స్టోరీ విని చేస్తానని హామీ ఇచ్చినట్లు సమాచారం. మరి ఈ సమాచారం ఎంతవరకు నిజమో చూడాలి మరి.
ఇటీవలే హైదరాబాద్ శివారులోని అల్యూమినియం ఫ్యాక్టరీలో ఈ మూవీ పూజా సెరిమోని కూడా జరిగింది. ఎస్ఎస్ఎంబి 29 సినిమా కోసం ఏళ్లుగా ఫాలో అవుతున్న సెంటిమెంట్ ని కూడా మహేష్ బాబు బ్రేక్ చేశాడు. ఎప్పటినుండో ఆయన మూడు అక్షరాల టైటిల్ సెంటిమెంట్ ఫాలో అవుతున్నాడు. కానీ ఈ సినిమా టైటిల్ మూడు అక్షరాలతో లేదు. అలాగే తన కొత్త చిత్రాల పూజా కార్యక్రమాల్లో ఆయనకు బదులు ఆయన సతీమణి నమ్రత శిరోద్కర్, కుటుంబ సభ్యులు హాజరవ్వడం ఆయన పెట్టుకున్న మరొక సెంటిమెంట్. అయితే రాజమౌళి ఒత్తిడి కారణంగా మహేష్ బాబు తన సెంటిమెంట్ పక్కన పెట్టి పూజా కార్యక్రమానికి హాజరయ్యారు. దీంతో ఎస్ఎస్ఎంబి 29 కోసం ఈ రెండు సెంటిమెంట్ లను మహేష్ బాబు బ్రేక్ చేశాడట. ఈ సినిమా బడ్జెట్ దాదాపు రూ. 1000 కోట్లు ఉంటుందని తెలుస్తోంది. త్వరలో ఈ సినిమా షూటింగ్ మొదలవుతుందని సమాచారం. వీరిద్దరి కాంబోలో తెరకెక్కనున్న SSMB29పై భారీ అంచనాలు ఉన్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి