టాలీవుడ్ ఇండస్ట్రీలో స్టార్ హీరోలలో మెగాస్టార్ చిరంజీవి ఒకరు. చిరంజీవి 2023 వ సంవత్సరం సంక్రాంతి పండుగ సందర్భంగా వాల్తేరు వీరయ్య సినిమాతో ప్రేక్షకులను పలకరించి అదిరిపోయే రేంజ్ బాస్టర్ విజయాన్ని సొంతం చేసుకున్నాడు. ఆ తర్వాత అదే సంవత్సరం భోళా శంకర్ మూవీ తో చిరంజీవి ప్రేక్షకుల ముందుకు వచ్చాడు. ఈ మూవీ ప్రేక్షకులను ఏ మాత్రం ఆకట్టుకోలేకపోయింది. దానితో ఈ సినిమా బాక్స్ ఆఫీస్ దగ్గర బోల్తా కొట్టింది. ఇకపోతే చిరంజీవి హీరోగా రూపొందిన ఏ సినిమా కూడా 2024 వ సంవత్సరం విడుదల కాలేదు. ప్రస్తుతం చిరంజీవి "విశ్వంభర" అనే సినిమాలో హీరోగా నటిస్తున్నాడు.

ఈ సినిమాను ఈ సంవత్సరం విడుదల చేసే అవకాశాలు ఉన్నాయి. ఈ మధ్య కాలంలో చిరంజీవి రెండు సినిమాలను రిజెక్ట్ చేసినట్లు తెలుస్తోంది. రీసెంట్ గా విడుదల అయ్యి బ్లాక్ బస్టర్ విజయాన్ని సొంతం చేసుకున్న సంక్రాంతికి వస్తున్నాం సినిమా కథను మొదట అనిల్ రావిపూడి చిరంజీవికి వినిపించగా కొన్ని కారణాల వల్ల చిరంజీవి ఈ సినిమా చేయను అని చెప్పడంతో దానిని అనిల్ రావిపూడి , వెంకటేష్ తో తీసినట్లు తెలుస్తోంది. ఇక మరికొన్ని రోజుల్లోనే సందీప్ కిషన్ హీరోగా త్రినాధ్ రావు నక్కిన దర్శకత్వంలో రూపొందిన మజాకా సినిమా విడుదల కానున్న విషయం మనకు తెలిసిందే. ఈ సినిమాలో కూడా మొదట చిరంజీవిని హీరోగా అనుకున్నట్లు , కానీ చిరు మాత్రం ఆ సినిమాను రిజెక్ట్ చేసినట్లు తెలుస్తోంది.

ఈ సినిమా టీజర్ కూడా అద్భుతంగా ఉండడంతో ఈ మూవీ మంచి విజయం సాధిస్తుంది అని చాలా మంది జనాలు భావిస్తున్నారు. అలా చిరంజీవి ఈ మధ్య కాలం లోనే రెండు సినిమాలను రిజెక్ట్ చేయడం , అందులో ఇప్పటికే ఒక సినిమా బ్లాక్ బాస్టర్ కావడం , మరొకటి మంచి విజయాన్ని సాధించే అవకాశాలు ఉండడంతో మెగాస్టార్ చిరంజీవి ఎందుకు ఆ సినిమాలను రిజెక్ట్ చేశాడా అని మెగా అభిమానులు కాస్త ఫీల్ అవుతున్నట్లు తెలుస్తుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chiru

Pulgam Srinivas

20/01/2025 11:37 AM