సరిగా ఈ నేపథ్యంలోనే బాలకృష్ణ సినిమాలకు ఎప్పుడూ సూపర్ హిట్ మ్యూజిక్ అందించే థమన్ ‘అఖండ 2’ గురించి మాట్లాడుతూ సినిమా అంచనాలను మరింత పెంచేశారు. అనంతపురంలో జరిగిన ‘డాకు మహారాజ్’ సక్సెస్ మీట్‌లో ఈ దిగ్గజ మ్యూజిక్ కంపోజర్ మాట్లాడుతూ, “సినిమా అదిరిపోతుంది, సిద్ధంగా ఉండండి. అఖండ 2 పూర్తి పైసా వసూల్ సినిమా అవుతుంది. ఫస్ట్ హాఫ్, ఇంటర్వెల్ అదిరిపోతాయి, సెకండ్ హాఫ్ మాత్రం ఇంకో బోనస్” అని ఇంట్రెస్టింగ్ కామెంట్స్ చేశాడు.
బోయపాటి శ్రీను దర్శకత్వంలో తెరకెక్కుతున్న ఈ సినిమా షూటింగ్ మహా కుంభమేళాలో ప్రారంభమైంది. బాలయ్య ఇంట్రో సీన్ కోసం బోయపాటి కొన్ని ముఖ్యమైన సన్నివేశాలను అక్కడ చిత్రీకరించాడట. ఆ తర్వాత చిత్ర బృందం నందమూరి జిల్లాలోని గుడిమెట్ల గ్రామానికి వెళ్లి కొన్ని ముఖ్యమైన సన్నివేశాల కోసం లొకేషన్స్‌ని వెతికారు.
అఖండ 2 సినిమాలో బాలకృష్ణ పాత్ర ద్వారా సామాజిక, రాజకీయ సమస్యలను చూపిస్తారని సమాచారం. మొదటి సినిమాలోని ప్రధాన అంశాలను కొనసాగిస్తూనే, కొత్త గూస్ బంప్స్ తెప్పించే సీన్లను ఈ సినిమాలో చూపిస్తారు. ప్రగ్యా జైస్వాల్ కూడా ఈ సినిమాలో ముఖ్యమైన పాత్రలో కనిపించనుంది.
థమన్ ఈ సినిమాని బోయపాటి శ్రీను అద్భుతంగా తీశారని, పెట్టిన ప్రతి రూపాయికి న్యాయం జరుగుతుందని చేసిన కామెంట్లు ప్రస్తుతం అభిమానులకు చాలా సంతోషాన్ని కలిగిస్తున్నాయి. సెకండ్ ఆఫ్ బోనస్ అని చెప్పిన మాటలు అయితే వారికి పూనకాలు తెప్పిస్తున్నాయి. ఈ సినిమా కూడా హిట్ అయితే వరుసగా 5 హిట్స్ కొట్టిన రికార్డును క్రియేట్ చేస్తారు బాలకృష్ణ.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి