ఇకపోతే ఫిబ్రవరి 14 వ తేదీన ఈ సినిమాలోని రెండవ పాటని విడుదల చేసేందుకు సన్నాహాలు చేస్తున్నారు మేకర్స్. పూజిత పొన్నాడ స్పెషల్ గా డ్యాన్స్ వేసిన ఫెస్టివల్ థీమ్ సాంగ్ అద్భుతంగా వచ్చినట్టు తెలుస్తుంది. ఈ పాటతో ఈ చిత్రాన్ని నిర్మాత ఏఎం రత్నం ఎంత గ్రాండ్ గా తెరకెక్కించాడో ఫ్యాన్స్ కి తెలియబోతుందట. సినిమాకే హైలైట్ గా నిలవనున్న ఈ పాట చార్ట్ బస్టర్ గా నిలుస్తుందని బలమైన నమ్మకం తో చెప్తున్నారు మేకర్స్. సుమారుగా 500 మంది డ్యాన్సర్లు ఈ పాటలో కనిపించనున్నారట. సెట్ వర్క్స్ కూడా చాలా గ్రాండ్ గా ఉంటుందని సమాచారం. పవన్ కళ్యాణ్ కెరీర్ లో ఇంతటి గ్రాండ్ విజువల్స్ ని ఇంతకు ముందు ఎప్పుడూ అభిమానులు చూడని విధంగా, సరికొత్త అనుభూతిని కలిగిస్తుందని అంటున్నారు.హరి హర వీరమల్లు చిత్రీకరణ తుది దశలో ఉంది. నిర్మాణానంతర కార్యక్రమాలు కూడా చురుకుగా సాగుతున్నాయి. ఈ చిత్రాన్ని 2025, మార్చి 28న ప్రపంచవ్యాప్తంగా భారీస్థాయిలో విడుదల చేయడానికి సన్నాహాలు చేస్తున్నారు.ఇదిలావుండగా ప్రముఖ ఛాయగ్రాహకుడు మనోజ్ పరమహంస కెమెరా బాధ్యతలు నిర్వహిస్తున్న ఈ సినిమాకి, లెజెండరీ కళా దర్శకుడు తోట తరణి అద్భుతమైన సెట్ లను రూపొందించారు. ప్రముఖ వీఎఫ్ఎక్స్ సూపర్‌వైజర్, బాహుబలి ఫేమ్ శ్రీనివాస్ మోహన్, హాలీవుడ్ దిగ్గజ యాక్షన్ దర్శకుడు నిక్ పావెల్ ఈ ప్రతిష్టాత్మక చిత్రానికి పని చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి