అయితే, తాజాగా ఐకాన్ స్టార్ అల్లు అర్జున్ బాలకృష్ణకు తనదైన స్టైల్లో విషెస్ చెప్పాడు. బన్నీ తన సోషల్ మీడియా అకౌంట్ ద్వారా బాలయ్యను ఆకాశానికెత్తేశాడు. "బాలకృష్ణ పద్మభూషణ్ అవార్డు అందుకోవడం చాలా సంతోషంగా ఉంది. తెలుగు సినిమాకు మీరు చేసిన సేవలు అమోఘం. ఈ గౌరవం మీకు నిజంగా దక్కాలి" అంటూ బన్నీ పోస్టు చేశాడు.
ఇంకా బన్నీ ఏమన్నాడంటే.. తమిళ నటుడు అజిత్ కుమార్‌ను కూడా పద్మభూషణ్‌తో సత్కరించడం చాలా గొప్ప విషయమని, అలాగే శోభన, శేఖర్ కపూర్ వంటి గొప్ప కళాకారులను కూడా ఈ అవార్డులతో గౌరవించడం అభినందనీయమని అన్నాడు. అందరూ పద్మ అవార్డు గ్రహీతలకు తన బెస్ట్ విషెస్ తెలిపాడు మన ఐకాన్ స్టార్.
పద్మ అవార్డులు అంటే మామూలు విషయం కాదు. దేశంలోనే అత్యున్నతమైన పురస్కారాల్లో ఇవి ఒకటి. కళలు, ప్రజా సేవ, సామాజిక సేవ ఇలాంటి రంగాల్లో అద్భుతమైన కృషి చేసిన వాళ్లకు ఈ అవార్డులు ఇస్తారు. ఎంతో కష్టపడి తమ రంగాల్లో ప్రత్యేక ముద్ర వేసిన గొప్ప వ్యక్తులను ఈ అవార్డులు ద్వారా దేశం గుర్తు చేసుకుంటుంది.
బాలకృష్ణకు ఈ పద్మభూషణ్ రావడం వెనుక ఆయన టాలీవుడ్‌కు చేసిన సేవ ఎంతో ఉంది. ఎన్నో ఏళ్లుగా తెలుగు సినిమా ఇండస్ట్రీలో తనదైన ముద్ర వేసిన బాలయ్యకు ఈ అవార్డు నిజంగా ఒక మైలురాయి. ఆయన సినీ ప్రయాణానికి, ఆయనకున్న డెడికేషన్‌కు ఈ అవార్డు ఒక నిదర్శనం అని చెప్పొచ్చు. ఇంకా మున్ముందు బాలకృష్ణ ఎన్ని అవార్డులు కలుసుకుంటారో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి