టాలీవుడ్ గాడ్ ఆఫ్ మాసేస్ నందమూరి బాలకృష్ణ నటించిన తాజా సినిమా డాకు మహారాజ్. ఈ సంక్రాంతి కానుకగా మూడు పెద్ద సినిమాల పోటీలో రిలీజ్ అయినా కూడా.. డాకు మహారాజ్ ఇప్పటికే ఏకంగా రూ.180 కోట్లకు పైగా వసూళ్లు రాబట్టి ట్రేడ్ వర్గాలను సైతం ఆశ్చర్యపరిచింది. బాలయ్య వన్ మ్యాన్ షో చేసి డాకు మహారాజ్ సినిమాను బాక్సాఫీస్ దగ్గర ఒంటి చేత్తో గట్టెక్కించారు. సెకండ్ ఇన్నింగ్స్ లో బాలయ్య 4 వరుస సూపర్ డూపర్ హిట్లు తన ఖాతాలో వేసుకున్నారు. అఖండ ఆ వెంట‌నే వీర‌సింహారెడ్డి .. భగవంత్ కేసరి తో హ్యాట్రిక్ కొట్ట‌డం తో పాటు తాజాగా డాకూ మహారాజ్ సినిమాతో హిట్ కొట్టాడు.
నాలుగు సూపర్ డూపర్ హిట్టులతో కెరీర్‌లోనే తిరుగులేని భీకరమైన ఫామ్‌తో ఉన్న బాలయ్య.. నెక్స్ట్ సాలిడ్ లైనప్ సెట్ చేసుకున్నారు. ఇప్పటికే పవర్ హౌస్ కాంబో రిపీట్ చేస్తూ బోయపాటి శ్రీనుతో అఖండ 2 తాండవం సినిమా చేస్తున్నారు. ఈ సినిమాపై ఎక్కడా లేని అంచనాలు ఉన్నాయి. ఇదిలా ఉంటే వరుస విజయాలతో ఉన్న బాలయ్య నెక్స్ట్ లైనప్ చాలా స్ట్రాంగ్‌గా ఉంది.
మరోసారి డాకు మహారాజ్ దర్శకుడు బాలయ్యతో అదిరిపోయే సినిమా చేస్తానని ప్రకటించారు. ఇక బోయపాటి శ్రీనుతో అఖండ 2 సినిమా ఎలాగూ చేస్తున్నారు. అలాగే తమిళ్‌ స్టార్ దర్శకుడు నెల్సన్ దిలీప్ కుమార్ డైరెక్ట్ చేస్తున్న జైలర్ 2 సినిమాలో బాలయ్య.. స్పెషల్ రోల్ చేస్తున్నాడని చెన్నై సినీ సర్కిల్స్‌లో టాక్ వినిపిస్తోంది. అలాగే వీర సింహారెడ్డి సినిమా దర్శకుడు మలినేని గోపీచంద్ కూడా బాలయ్యతో సినిమా చేసేందుకు రెడీ అవుతున్న సంగతి తెలిసిందే. వీళ్ళతో బాలయ్య నెక్స్ట్ లైనప్ చాలా స్ట్రాంగ్ గా ఉందని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి