నందమూరి నట సింహం బాలకృష్ణ గురించి ప్రత్యేక పరిచయం అవసరం లేదు. బాలయ్య ఇప్పటికే ఎన్నో సినిమాలలో నటించి ఎన్నో అద్భుతమైన విజయాలను అందుకొని ఇప్పటికి కూడా తెలుగు సినిమా పరిశ్రమలో అద్భుతమైన క్రేజ్ కలిగిన హీరోగా కెరియర్ను కొనసాగిస్తున్నాడు. ఇకపోతే బాలకృష్ణ తాజాగా బాబి కొల్లి దర్శకత్వంలో డాకు మహారాజ్ అనే పవర్ఫుల్ మాస్ యాక్షన్ ఎంటర్టైనర్ మూవీ లో హీరో గా నటించిన విషయం మన అందరికీ తెలిసిందే.

ఇకపోతే ఈ సినిమాను ఈ సంవత్సరం సంక్రాంతి పండుగ సందర్భంగా జనవరి 12 వ తేదీన విడుదల చేశారు. బాలకృష్ణ వరుసగా అఖండ , వీర సింహా రెడ్డి , భగవంత్ కేసరి లాంటి వరుస విజయాల తర్వాత నటించిన మూవీ కావడం , వాల్టేరు వీరయ్య లాంటి బ్లాక్ బాస్టర్ సినిమా తర్వాత బాబి దర్శకత్వంలో రూపొందిన మూవీ కావడంతో ఈ మూవీ పై ప్రేక్షకులు మొదటి నుండి మంచి అంచనాలు పెట్టుకున్నారు. ఆ అంచనాలకు తగినట్టు గానే ఈ సినిమా ప్రచార చిత్రాలు కూడా సూపర్ గా ఉండడంతో ఈ మూవీ పై ప్రేక్షకుల్లో అంచనాలు మరింతగా పెరిగిపోయాయి. దానితో ఈ సినిమాకు ప్రపంచ వ్యాప్తంగా ఏకంగా 80.70 కోట్ల ప్రీ రిలీజ్ బిజినెస్ జరగగా ... ఈ మూవీ 82 కోట్ల బ్రేక్ ఈవెన్ టార్గెట్ తో బాక్స్ ఆఫీస్ బరిలోకి దిగింది.

ఇక భారీ టార్గెట్ తో బాక్సా ఫీస్ బారి లోకి దిగిన ఈ సినిమాకు మంచి పాజిటివ్ టాక్ రావడంతో భారీ కలెక్షన్లు ఇప్పటికే వచ్చాయి. ఇకపోతే ఇప్పటి వరకు ఈ సినిమాకు ప్రపంచ వ్యాప్తంగా 80.44 కోట్ల షేర్ ... 133.20 కోట్ల గ్రాస్ కలెక్షన్లు వచ్చినట్లు తెలుస్తోంది. ఇక ఈ సినిమా బ్రేక్ ఈవెన్ ఫార్మలాను కంప్లీట్ చేసుకుని హిట్ స్టేటస్ ను అందుకోవాలి అంటే మరో 1.56 కోట్ల షేర్ కలక్షన్ లను రాబట్ట వలసి ఉన్నట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Balayya

Pulgam Srinivas

28/01/2025 10:00 AM