సినిమాల విషయానికొస్తే బాలయ్య హీరో మాత్రమే కాదు.. ఆయనలో చాలా అంశాలు అద్భుతమైన ప్రతిభ దాగి ఉంది. బాలయ్యలో ఒక దర్శకుడు ఉన్నాడు. ఒక ఫైట్ మాస్టర్ ఉన్నాడు. ఒక అసిస్టెంట్ డైరెక్టర్ ఉన్నాడు. ఒక సినిమాటోగ్రాఫర్ కూడా ఉన్నాడు. అలాగే ఎవరికీ తెలియని ఒక రచయిత కూడా ఉన్నాడు. తన తండ్రి ఎన్టీఆర్ దర్శకత్వం వహించిన ఎన్నో సినిమాలుకు బాలయ్య అసిస్టెంట్ డైరెక్టర్‌గా, ఫైట్ మాస్టర్ గా, సినిమాటోగ్రాఫర్ గా పనిచేశారు. అలాగే బాలయ్య ఓ సినిమాకు స్వయంగా కథ అందించారు. బాలయ్య మనసులో ఏదైనా కథ అనుకుంటే దానిని బాగా డెవలప్ చేస్తారు.
ఆయన నటించిన కొన్ని సినిమాలలో సీన్లకు మాటలు రాసుకున్న సందర్భాలు కూడా ఉన్నాయి. బాలయ్యలో రచయిత విషయానికొస్తే.. ఒక రాత్రి తాను నటించిన బ్లాక్ బస్టర్ సినిమా ఆదిత్య 369 సీక్వెల్ చేయాలన్న ఆలోచన వచ్చిందట. వెంటనే ఆ రాత్రంతా కూర్చుని తెల్లారేసరికి ఆదిత్య 999 కథ‌ని సిద్ధం చేసేసారు. బాలయ్య నటించిన సూపర్ డూపర్ హిట్ సినిమాలలో ఆదిత్య 369 సినిమా ఒకటి. ఈ సినిమాకు సింగీతం శ్రీనివాసరావు దర్శకత్వం వహించారు. అప్పట్లో ఈ సినిమా పెద్ద బ్లాక్ బస్టర్ హీట్ అయింది. ఇక ఆదిత్య 999 సినిమాలో బాలయ్య తనయుడు మోక్షజ్ఞ కూడా నటిస్తాడంటూ.. గత కొన్నేళ్లు గా ప్రచారం జరుగుతున్న సంగతి తెలిసిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి