ఈ మధ్య కాలంలో స్టార్ హీరోలు నటిస్తున్న సినిమాల్లో విలన్ పాత్రల కోసం దర్శకులు అనేక కొత్త కొత్త ప్రయత్నాలను చేస్తూ వస్తున్నారు. ఎవరైనా ఒకటి రెండు సినిమాలు కనుక విలన్ పాత్రలలో నటించినట్లయితే వారిని మళ్లీ విలన్ పాత్రలో తీసుకుంటే ప్రేక్షకులు ఫ్రెష్ గా ఫీల్ అవ్వరు అనే ఉద్దేశంతో ఇతర భాషల్లో సూపర్ సాలిడ్ క్రేజ్ ఉన్న నటులను తెలుగు భాషల్లో స్టార్ హీరోల సినిమాల్లో విలన్ పాత్రల్లో తీసుకుంటున్నారు. మరీ ముఖ్యంగా స్టార్ హీరోల సినిమాల్లో హిందీ నటులు విలన్ పాత్రల్లో ఈ మధ్య కాలంలో ఎక్కువగా కనిపిస్తూ వస్తున్నారు.

కొంత కాలం క్రితం బాలకృష్ణ "భగవంత్ కేసరి" అనే సినిమాలో హీరోగా నటించిన విషయం మనకు తెలిసిందే. ఈ సినిమాలో బాలీవుడ్ నటుడు అర్జున్ రాంపాల్ ప్రతి నాయకుడి పాత్రలో నటించాడు. ఇకపోతే బాలకృష్ణ తాజాగా డాకు మహారాజ్ అనే సినిమాతో ప్రేక్షకుల ముందుకు వచ్చాడు. ఈ సినిమాలో బాలీవుడ్ నటుడు బాబి డియోల్ ప్రతి నాయకుడి పాత్రలో నటించాడు. ఈ రెండు సినిమాలు కూడా మంచి విజయాలను అందుకున్నాయి. ఇక దానితో చాలా మంది దర్శకులు స్టార్ హీరోల సినిమా అంటే చాలు బాలీవుడ్ ఇండస్ట్రీ లో ఫుల్ క్రేజ్ ఉన్న నటులతో విలన్ పాత్రలను చేయిస్తే ప్రేక్షకులు కూడా బాగా ఆదరిస్తారు అనే ఉద్దేశానికి వచ్చినట్లు తెలుస్తుంది.

దానితో మరికొంత కాలం వరకు రాబోయే కొన్ని స్టార్ హీరోల సినిమాలలో కూడా బాలీవుడ్ నటులను ఇప్పటికే తీసుకున్నట్లు తెలుస్తోంది. ఇకపోతే తెలుగు సినిమాల మార్కెట్ పెరగడం వల్ల బాలీవుడ్ నటులు కూడా ఉంటే హిందీ లో కూడా కలెక్షన్లు రాబట్టచ్చు అనే ఉద్దేశంతో కూడా స్టార్ హీరోల సినిమాలలో హిందీలో గ్రేస్ ఉన్న నటులను విలన్ పాత్రలకి తెలుగు మేకర్స్ పెట్టుకుంటున్నారు అనే అభిప్రాయాలను కూడా కొంత మంది వ్యక్తం చేస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Cinima news

Pulgam Srinivas

28/01/2025 10:45 AM