ఇది ఆయన కెరీర్లో ఎప్పటికీ మరపురాని అనుభూతి అని చెప్పాలి. బాలయ్య ఎన్నో సినిమాలలో ఎంతో మంది దర్శకులతో కలిసి పని చేసిన.. ఆయన దర్శకుల హీరోగా పేరు ప్రఖ్యాతలు సొంతం చేసుకున్నారు. ఇక బాలయ్య హీరోగా చేసిన తొలి సినిమా సాహసమే జీవితం. ఇది 1984లో రిలీజ్ అయింది. బాలయ్య సినిమాలలోకి వచ్చిన ప‌దేళ్ళ‌కు గాని.. హీరోగా తొలి సినిమా చేయలేదు. బాలయ్య తన కెరీర్లో ఇప్పటివరకు 109 సినిమాలలో నటించారు. ఈ సంక్రాంతికి బాబీ దర్శకత్వంలో వచ్చిన డాకు మహారాజ్ సినిమా బాలయ్య కెరీర్ లో 109వ సినిమా. ఇక బాలయ్య కెరీర్లో 110వ సినిమా బోయపాటి శ్రీను దర్శకత్వంలో తెర‌కెక్కుతున్న అఖండ 2 తాండవం కావడం విశేషం.
బాలయ్య తన కెరీర్లో ఎన్ని సినిమాలలో నటించినా.. రెండు సినిమాల షూటింగ్‌లో మాత్రం చాలా బాగా ఎంజాయ్ చేశారట. అందులో ఒకటి పూరి జగన్నాథ్ దర్శకత్వంలో తెర‌కెక్కిన పైసా వసూల్. ఈ సినిమాలో పూరి.. అప్పటివరకు బాలయ్యను ఎవరూ చూపించిన కొత్త కోణంలో కామెడీగా, ఆసక్తిగా ప్రజెంట్ చేశారు. అలాగే వి.వి.వినాయక్‌ దర్శకత్వంలో 2002లో వచ్చిన చెన్నకేశవరెడ్డి సినిమా. షూటింగ్ జరుగుతున్నంత సేపు కూడా బాలయ్య బాగా ఎంజాయ్ చేశారట. చెన్నకేశవరెడ్డి షూటింగ్ జరుగుతున్నంత సేపు బాలయ్య బాగా ఎంజాయ్ చేశారని.. బాలయ్య భార్య వసుంధర స్వయంగా దర్శకుడు వి.వి. వినాయ‌క్‌కు చెప్పారట.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి