టాలీవుడ్ గ్లోబల్ స్టార్ హీరో రామ్ చరణ్ ఆర్ ఆర్ ఆర్ తర్వాత సోలోగా వచ్చిన తాజా చిత్రం గేమ్ ఛేంజర్. కోలీవుడ్ స్టార్ డైరెక్టర్ శంకర్ తెరకెక్కించిన ఈ మూవీ  సంక్రాంతి కానుకగా జనవరి 10వ తేదీన ప్రేక్షకుల ముందుకు వచ్చిన సంగతి తెలిసిందే.భారీ అంచనాల తో విడుదలైన ఈ మూవీ మిక్స్డ్ టాక్ తో మెగా అభిమానులు ఆశించిన స్థాయిలో ఆకట్టుకోలేక పోయింది.అయితే చరణ్.. నెక్స్ట్ ఉప్పెన ఫేమ్ బుచ్చిబాబు సానాతో వర్క్ చేయనున్న విషయం తెలిసిందే. కొద్దిరోజుల క్రితం హైదరాబాద్ లో RC 16 పూజా కార్యక్రమాలు ఘనంగా జరిగాయి. రీసెంట్ గా మూవీ షూటింగ్ కూడా స్టార్ట్ అయినట్లు డైరెక్టర్ బుచ్చిబాబు సోషల్ మీడియాలో పోస్ట్ చేసిన సంగతి తేలిసిందే.ఇదిలావుండగా rc16 షూటింగ్ ప్రస్తుతం రెండు షెడ్యూల్స్ పూర్తియింది. ఈ క్రమంలో రేపటి నుంచి హైదరాబాద్ లో మూడో షెడ్యూల్ ప్రారంభం కానుంది. ఈ షెడ్యూల్ ల్లో రాంచరణ్, జాన్వీ కపూర్ పాల్గొంటారని సమాచారం. గుండె ఆపరేషన్ తరువాత కన్నడ స్టార్ శివరాజ్ కుమార్ కూడా త్వరలో జాయిన్ అవుతారని తెలుస్తోంది.దీంతో మెగా అభిమానులు ఫుల్ ఖుషీ అయిపోతున్నారు. షూటింగ్ త్వరగా కంప్లీట్ చేసేయండి అన్నా అంటూ కామెంట్స్ పెడుతున్నారు.

వెయిటింగ్ ఫర్ క్రేజీ అప్డేట్స్ అంటూ సందడి చేస్తున్నారు. అయితే ఇప్పటికే RC 16పై ఆడియన్స్ లో భారీ అంచనాలు నెలకొన్నాయి. ఉత్తరాంధ్ర బ్యాక్‌ డ్రాప్‌ లో సాగే విలేజ్ స్పోర్ట్స్ యాక్షన్ డ్రామాగా మూవీని బుచ్చిబాబు రూపొందించనున్నట్లు సమాచారం.మూవీకి పెద్ది అనే టైటిల్ ను ఖరారు చేసినట్లుగా ఎప్పటి నుంచో వార్తలు వినిపిస్తున్నాయి. అయితే చరణ్ ను సినిమాలో పవర్ ఫుల్ గా చూపించేందుకు బుచ్చిబాబు ప్లాన్ చేస్తున్నట్లుగా తెలుస్తోంది. రా అండ్ రస్టిక్ గా చూపించనున్నట్లు సమాచారం. అందుకు తగ్గట్లే చరణ్ మేకోవర్ అవుతున్నట్లు క్లియర్ గా కనబడుతోంది. ఫుల్ గా వర్కౌట్ చేస్తున్నట్లు అర్థమవుతోంది.ఇక మూవీ విషయానికొస్తే.. చరణ్ సరసన బాలీవుడ్ బ్యూటీ జాన్వీ కపూర్ హీరోయిన్ గా నటిస్తున్నారు. టాలీవుడ్ నటుడు జగపతి బాబు కీలక పాత్రలో కనిపించనున్నారు. ఆస్కార్ విన్నింగ్ మ్యూజిక్ డైరెక్టర్ ఏ ఆర్ రెహమాన్ సంగీతం అందిస్తున్నారు. సుకుమార్ రైటింగ్స్‌, వృద్ధి సినిమాస్ తో కలిసి బడా నిర్మాణ సంస్థ మైత్రీ మూవీ మేకర్స్ బ్యానర్‌ గ్రాండ్ గా నిర్మిస్తోంది. మరి RC 16 ఎప్పుడు రిలీజ్ అవుతుందో వేచి చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

murali krishna

28/01/2025 11:45 AM